“Ko Hono Pukepuke ʻo e Kau Kasitomaá: Ako,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)
“Ko Hono Pukepuke ʻo e Kau Kasitomaá: Ako”
Ako
Taimi Lōloa Tahá: Miniti ʻe 60
1. Ko Hono Fakatupulaki e Mateaki ‘a e Kasitomaá.
2. Ko Hono Fakakau ʻEku Kau Kasitomaá
3. Ko e Fanongo ki Heʻeku Kau Kasitomaá
Lau:
Ko ha founga ʻe taha ke tanumaki ai e mateakí ko e fakafanongo ki hoʻo kau kasitomaá. ʻI hoʻo fakafanongó, “ngāue ʻaki [ho] lotó [ke] ke ʻilo” (Lea Fakatātā 2:2). ʻOku faʻa ʻoatu ʻe hoʻo kau kasitomaá ha ngaahi fakamatala ʻaonga ʻoku fakaiku ki ha ngaahi fakakaukau foʻou, ʻo fakaleleiʻi ai hono fakahoko ʻo e ngaahi meʻá, pea lelei mo e ngāué. ʻE lava ke fakafanongo ʻa e kau maʻu pisinisí ki heʻenau kau kasitomá ʻi ha ngaahi founga kehekehe, hangē ko ia ʻi laló.
Ngaahi Founga ʻOku Fetuʻutaki ai e Kau Kasitomaá mo e Ngaahi Pisinisí | |||
---|---|---|---|
Ngaahi Fakamatala Tonu ʻOku fai ʻe he kau kasitomá ʻa e fakamatalá ki he taha maʻu pisinisí pe ki ha taha ngāue. |
Ngaahi fakamatala lea-ʻo-e-ngutú ʻOku fai ʻe he kau kasitomá e fakamatalá ki honau ngaahi kaumeʻá pe kau kasitomá kehe. |
Ngaahi lāunga ʻOku ʻave ʻe he kau kasitomá ʻa e fakamatalá ke fai ha tokanga pe ngāue. |
Vakaiʻi mo e fakafuofuaʻi ʻOku fakamaaka e mahuʻinga ʻo e pisinisí mo e ngāué ʻe he kau kasitomaá (ʻi he ʻinitanetí). |
Ngaahi saveá ʻOku kole ʻe ha pisinisi ʻa e fakamatalá mei he kau kasitomá. |
Mītia fakasōsialé ʻOku fakaʻaongaʻi ʻe he kau kasitomá ʻa e ngaahi meʻangāue he ʻinitanetí ke tufaki e fakamatalá mo ha kakai ʻoku tokolahi ange. |
Ngaahi fili ke fakataú ʻOku fakahaaʻi ʻe he kau kasitomaá ʻenau filí mo e meʻa ʻoku nau mahuʻingaʻia aí ʻi he meʻa ʻoku nau fili ke fakatau pe ʻikai fakataú. |
Ngaahi fakalāngilangí mo e ngaahi palé ʻOku maʻu ʻe ha pisinisi ha fakalāngilangi mo ha pale tuʻunga ʻi heʻene leleí pe ngāué. |