“Ko Hono Fakapaʻanga ʻo ʻEku Pisinisí: Lipōtí,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)
“Ko Hono Fakapaʻanga ʻo ʻEku Pisinisí: Lipōtí”
Lipooti
Taimi Lōloa Tahá: Miniti ʻe 25
Fai ha fua lotu.
Ngaahi Tukupā ʻo e Uike Kuo ʻOsí
|
A. Tauhi e ngaahi tukupā ʻo e “Ko Hoku Fakavaʻé.” |
|
E. Hiki ha palani ʻi heʻeku kiʻi tohi pisinisí ʻo fakaʻāuliliki ai e ngaahi founga ʻoku ou palani ke fakatupulakiʻaki ʻeku pisinisí ʻi he taimi totonú. |
|
F. Hiki ha palani ʻi heʻeku kiʻi tohi pisinisí ʻo fakaʻāuliliki ai e ngaahi founga te u lava ai ʻo holoki e fakamole ʻi heʻeku pisinisí. |
|
H. Vakaiʻi ʻeku peesi “Fakalaulaulotó” mo tauhi e tukupaá. |
|
I. Fetuʻutaki mo poupouʻi hoku hoa ngāué. |
Sitepu 1: Vakaiʻi mo ho Hoa Ngāué (miniti ʻe 5)
Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Fakafuofuaʻi ʻo ʻEku Ngāué” ʻi he kamataʻanga ʻo e tohi ngāue ko ʻení. Hili ia peá ke vahevahe mo ho hoa ngāué hono vakaiʻí peá mo aleaʻi ʻa e fehuʻi ʻi laló.
Aleaʻi:
Ko e hā ha ngaahi palopalema ne hoko fekauʻaki mo e tauhi hoʻo ngaahi tukupā he uike ní?
Sitepu 2: Lipooti ki he Kulupú (miniti ʻe 8)
Hili hono vakaiʻi hoʻomou ngāué, toe fakataha mai e kulupú pea lipooti ai hoʻomou ngaahi olá. Vilo takai ʻi he kulupú ke nau takitaha fakahā pe naʻe “kulokula,” “engeenga,” pe “lanumata” ʻenau tukupā ʻi he uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti ʻi he saati “Ko Hono Fakafuofuaʻi ʻo ʻEku Ngāué.”
Sitepu 3: Vahevahe Hoʻo ngaahi Aʻusiá (miniti ʻe 10)
Fevahevaheʻaki fakakulupu he taimí ni e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.
Aleaʻi:
-
Ko e hā ha ngaahi meʻa ne ke aʻusia ʻi hoʻo tauhi hoʻo ngaahi tukupā ʻo e “Ko Hoku Fakavaʻé”?
-
Ko e hā naʻá ke ako ʻi hoʻo faʻu ha palani ke fakatupulaki hoʻo pisinisí?
-
Ko e hā naʻá ke ako ʻi hoʻo fokotuʻu ha palani ke holoki e ngaahi fakamole hoʻo pisinisí?
Sitepu 4: Fili ʻo e Ngaahi Hoa Ngāué (miniti ʻe 2)
Fili ha hoa ngāue mei he kulupú ki he uike ka hokó. Ko e angamahení, ko e ngaahi hoa ngāué ko ha ongo tangata pe ongo fafine mei ha fāmili kehekehe.
Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.
Hingoa ʻo e hoa ngāué
Fakamatala ki he fetuʻutakí
Hiki ʻa e founga mo e taimi te mo fetuʻutaki ai he uike ní.