“Aperaamo ma Isaako,” Tala o le Feagaiga Tuai (2022)
“Aperaamo ma Isaako,” Tala o le Feagaiga Tuai
Kenese 17; 21–22
O Aperaamo ma Isaako
O se Tama, se atalii, ma se taulaga
Sa maua e Aperaamo ma Sara se pepe tama, e faapei ona sa folafola atu e le Alii. Sa la faaigoa ia te ia o Isaako.
Sa la alolofa ia Isaako. Sa la aoao ia te ia ia filifili le mea sa’o ma talitonu i le Alii.
Na folafola atu e le Alii ia Aperaamo ma Sara, e ala atu ia Isaako o le a faatupuina lo latou aiga e faamanuia ai le lauelele atoa. Ae i se tasi aso na poloaiina ai Aperaamo e le Alii e ave Isaako i luga o le Mauga o Moria ma ofoina atu o se taulaga.
A o malaga atu i luga o le mauga, sa fesili atu Isaako poo fea o i ai le tamai mamoe e osi ai le taulaga. Sa tali atu Aperaamo o le a saunia e le Alii se tamai mamoe.
I luga o le mauga o Moria na fauina ai e Aperaamo se fata faitaulaga ma sa tuu i ai i luga fafie.
E pei ona poloaiina e le Alii, sa fai atu Aperaamo ia Isaako e taoto i luga o le fata faitaulaga. Sa talitonuina e Isaako ia Aperaamo e faapei foi ona talitonuina e le Faaola o Iesu Keriso Lona Tama.
Ina o le a osi e Aperaamo le taulaga ia Isaako, na oo mai le agelu a le Alii ma vavao ia te ia. Sa faaalia le faatuatua o Aperaamo i le Alii. Sa silafia e Aperaamo o le a ia mulimuli i le Alii i taimi uma.
Ona tepa a’e lea o Aperaamo ua iloa atu le mamoe po’a o lavelavea i le laau filifili. Ua saunia e le Alii le mamoe po’a mo le taulaga.
Sa aoaoina e Aperaamo ma Isaako e uiga i le ala e ofoina mai ai e le Tama Faalelagi Lona Atalii o Iesu Keriso e avea ma taulaga. Sa faatuatuaina e le Alii o Iesu Keriso ia Aperaamo ona sa ia usitai. Sa faatuatuaina e Aperaamo le folafolaga a le Alii o le a i ai le aso o lona aiga o le a faatoateleina e sili atu i fetu o le lagi.