“Tanielu ma le Miti a le Tupu,” Tala o le Feagaiga Tuai (2022)
“Tanielu ma le Miti a le Tupu,” Tala o le Feagaiga Tuai
Tanielu 2
Tanielu ma le Miti a le Tupu
O se feau le ma faamatalaina a le Atua i se tupu
Na fai le miti a le tupu o Papelonia lea na faapopoleina ai o ia. Na ia faatonuina ana faitaulaga ma tagata popoto e ta’u mai ia te ia poo le a le uiga o le miti.
Sa le mafai ona ta’u atu e le tupu ia i latou le miti. Na ia fai atu afai ua i ai moni i faitaulaga ma le au popoto le mana, o le a latou faamatala mai ia te ia po o le a le miti a o le a foi lona uiga.
Na ta’u atu e faitaulaga ma tagata popoto i le tupu e le mafai ona latou faamatalaina le uiga o le miti pe a ia le ta’u maia ia tei latou. Na latou fai mai e le mafai e se tagata ona faia se mea faapena. Sa ita le tupu ma faapea atu o le a fasiotia tagata popoto uma i le malo e aofia ai ma Tanielu ma ana uo.
Ina ua sau le leoleo a le tupu e ave Tanielu ma ana uo, na fai atu i ai Tanielu e tuu mai se taimi ina ia mafai ai ona ia ta’u atu i le tupu le uiga o lana miti. Na iloa e Tanielu o le Atua na te silafia ma iloa mea uma lava, e oo lava i miti. Na talosagaina e Tanielu ana uo ia latou tatalo mo ia.
Na faailoa atu e le Atua ia Tanielu le miti a le tupu i se faaaliga ma sa aoaoina Tanielu i lona uiga. Na faafetai atu Tanielu i le Atua mo le talia o le tatalo a ia ma ana uo ma le faasaoina o o latou ola. Ona ia alu ai lea i le tupu e ta’u atu le uiga o lana miti.
Na fai atu Tanielu o le miti a le tupu e uiga i se faatusa tele sa talepeina mai se maa na tofia mai i le mauga. O le faatusa e faasino i malo o le lalolagi. O le maa na tofia mai i le mauga e faasino i le malo o le Atua o le a tumu ai le lalolagi. Na iloa e le tupu ua tautala Tanielu i le mea moni.