“Noa ma Lona Aiga,” Tala o le Feagaiga Tuai (2022)
“Noa ma Lona Aiga,” Tala o le Feagaiga Tuai
Kenese 6–9; Mose 8
Noa ma Lona Aiga
O le vaa, o le lolo, ma le folafolaga a le Alii
Sa usitai Noa ma lona Aiga i le Alii. Ae o isi tagata uma sa matua amio leaga. Na ta’u atu e le Alii ia Noa o le lolo o le a lilofia ai le laueleele uma pe a le salamo tagata.
Na aoao atu e Noa tagata e alofa le Alii ia i latou ma e finagalo ia i latou ia salamo ma ia faatuatua ia Iesu Keriso. Sa latou lē faalogo.
Sa faanoanoa Noa ona o le le salamo o tagata. Na ta’u atu e le Alii ia Noa ia fausia se vaa tele e ta’ua o le vaa. O le vaa o le a maua ai e le aiga o Noa le malutaga i le taimi o le lolo.
Ua aumai e le aiga a Noa meaai i totonu o le vaa. Na auina atu e le Alii e tusa ma le ta’i lua manu o ituaiga uma ia Noa. Na o atu manu i totonu o le vaa, ma i le fitu aso mulimuli ane ua amata ona timu.
E faapei lava ona sa lapatai atu le Alii, sa timuga mo le 40 ao ma le 40 po. O le lolo ua ufitia ai le laueleele.
O le aiga a Noa ma manu uma lava i le vaa na opeopea ma le saogalemu i luga o le vai.
Ina ua mae’a le lolo, sa i ai le vaa i le eleele matutu. Sa fauina e Noa ma lona aiga se fata faitaulaga e vivii atu ai i le Alii ma faafetai ia te Ia mo le puipuiga o i latou. Na folafola atu e le Alii o le a le toe lolovai lava le lalolagi. Na ia tuuina mai le nuanua o se faamanatu i Lana folafolaga.