“Tupu o Tavita,” Tala o le Feagaiga Tuai (2022)
“Tupu o Tavita,” Tala o le Feagaiga Tuai
1 Samuelu 18–19; 31; 2 Samuelu 1; 5; 11–12
Tupu o Tavita
O tauiviga a se tupu
O le tupu o Saulo, o le tupu o Isaraelu, sa faagaeetia o ia i le manumalo o Tavita ia Koliata. Sa fai e Saulo ia Tavita ma taitai o ana ‘au uma.
Sa alofa Tavita i le Alii ma sa ia manao e faia le mea tonu i taimi uma. Sa alofagia Tavita e tagata o Isaraelu.
Ua tupu le leaga o lona loto, ma ua taumafai e fasioti ia Tavita. Ae sa mulimuli Tavita i le Alii, ma sa puipui e le Alii ia te ia mai ia Saulo.
Sa tau Isaraelu i le tele o taua. I se tasi aso na maliliu ai Saulo ma ona atalii uma i le taua. Sa alofa Tavita ia i latou ma sa ia faanoanoa tele ina ua ia iloa ua maliliu i latou. O lea ua manaomia e Isaraelu so latou tupu fou. Ua filifilia Tavita e le Alii e avea ma tupu. Sa fiafia tagata.
1 Samuelu 31:2–6; 2 Samuelu 1:11–12; 5:1–5
Sa faamanuia e le Alii ia le tupu o Tavita ma taitaia o ia. Faatasi ai ma le fesoasoani a le Alii, na faatoilalo ai e ‘au tau a Tavita o latou fili.
I se tasi aso sa tatau ai ia Tavita ona alu i le taua, ae sa nofo o ia i le fale. Sa ia vaaia se tamaitai aulelei. O lona igoa o Patisepa ma sa manao Tavita e faaipoipo ma ia. Ae ua uma ona faaipoipo o ia ia Uria, o se fitafita i le au tau a Tavita.
Sa manao Tavita e faaipoipo ia Patisepa, o lea na ia ave ai lona toalua o Uria i se taua matautia ina ia oti ai o ia iina.
Ua vave ona iloa e Tavita ua oti Uria i le taua. Na auina atu e Tavita lana auauna e aumai Patisepa i lona fale, ma sa ia faaipoipo atu ia te ia.
Ae sa le fiafia le Alii i le mea ua faia e Tavita. Na auina atu e le Alii Natano, o le perofeta, e ta’u atu ia Tavita le mamafa o lana agasala. Sa tupu le faanoanoa tele o Tavita e tusa ma le mea ua ia faia ia Uria ma Patisepa. Sa ia tatalo ma anapogi mo le faamagaloga mai le Alii.