“Tavita Talavou,” Tala o le Feagaiga Tuai (2022)
“Tavita Talavou,” Tala o le Feagaiga Tuai
Tavita Talavou
O se tama leoleo mamoe na valaauina e avea ma tupu
Na auina atu e le Alii le perofeta o Samuelu e sue se tupu fou. O Saulo, o le sa tupu i lena taimi, sa le toe mulimuli i le Alii. Na ta‘u atu e le Alii ia Samuelu e malaga i Peteleema ma sue se tamaloa e igoa ia Iese. O se tasi o atalii o Iese o le a avea ma tupu fou.
O atalii matutua o Iese sa uumi ma malolosi. Ae na ta‘u atu e le Alii ia Samuelu e aua le faamasinoina i latou i o latou foliga vaaia.
Sa fesili atu Samuelu ia Iese pe i ai nisi ona atalii. Sa fai atu Iese o lona atalii pito i laitiiti, o Tavita, o loo vaaia mamoe. Na aumai Tavita ia Samuelu.
Sa tino laitiiti atu Tavita i ona uso ma sa na o se tama leoleo mamoe. Ae sa lei popole le Alii pe na faapei foliga o Tavita. Sa silafia e le Alii na tumu le loto o Tavita i le faatuatua. Sa Ia ta‘u atu ia Samuelu o Tavita o le a avea ma tupu. Sa faamanuia e Samuelu Tavita. Na saunia e le Agaga o le Alii Tavita e avea ma tupu.