“Ieremia le Perofeta,” Tala o le Feagaiga Tuai (2022)
“Ieremia le Perofeta,” Tala o le Feagaiga Tuai
Ieremia le Perofeta
Valaauina a o lei fanau mai o ia
Sa nofo Ieremia i Ierusalema a o laitiiti o ia. I se tasi aso na afio mai ai le Alii ia Ieremia ma valaauina o ia e avea ma perofeta. Na tau atu e le Alii ia Ieremia sa faauuina o ia e avea ma perofeta ao lei fanau mai o ia. Sa silafia e le Alii o le a faigata le olaga o Ieremia. Ae sa Ia folafola atu ia Ieremia o le a faatasi pea o Ia ma ia.
Sa lei tausia e tagata i Ierusalema a latou folafolaga ma le Alii. Ona o lo latou amioleaga, sa lapataia ai e Ieremia ia tagata o le a faatoilaloina i latou. Na fetalai mai le Alii afai latou te tausia le paia o le aso Sapati, o le a le faaumatiaina le aai o Ierusalema. Ae sa lei faalogo tagata.
Sa aoaoina e Ieremia tagata mo le tele o tausaga. Ae latou te lei salamo. Nai lo lena, sa latou faatiga ia Ieremia ma lafo o ia i le falepuipui.
Ieremia 20:2; 26:8–9; 37:15–18; 38:6
Sa alofa Ieremia i tagata. Sa tagi o Ia ona o a latou agasala. E pei lava ona ia fai mai ai, sa faaumatia Ierusalema, ma sa pueina tagata.
Sa aveina atu Ieremia i Aikupito. Na ta‘u atu e le Alii ia te ia e tusi i lalo ana valoaga. Sa usitai Ieremia i le Alii e tusa lava pe sa faigata mea uma. Sa faaauau pea ona ia ta‘u atu i lona nuu e tausia a latou folafolaga ma le Alii.