2 Tupu 22; 2 Nofoaiga a Tupu 34–35

Tupu o Iosia

O se sailiga e usitai i poloaiga a le Alii

tupu talavou o Iosia

Sa valu tausaga o Iosia ina ua avea o ia ma tupu o Iuta. O ia o se tupu lelei sa alofa i le Alii. Sa manao o ia e fesoasoani i lona nuu, o Isaraelu, usitai i le Alii ma taofi le tapuai i tupua. Ina ua matua o ia, sa amata e ia ma lona nuu ona toe faaleleia le malumalu ma toe matagofie.

2 Tupu 22:1–2; 2 Nofoaiga a Tupu 34:3–7

ua maua e Hilikia tusitaai i mea na faaleagaina o le malumalu

A o galulue tagata i le malumalu, sa maua e Hilikia le faitaulaga sili le tusi o le tulafono, o se tusitaai o loo i ai tusitusiga paia.

2 Tupu 22:3–9

o le Tupu faanoanoa o Iosia o loo faalogologo i le tusi o le tulafono

Sa faitau atu e se auauna le tusi ia Iosia. Sa faalogo Iosia i upu ma sa faanoanoa ona sa le usitai lona nuu i le Alii. Sa ia saeia ona ofu e faaali atu ai ua faanoanoa o ia.

2 Tupu 22:10–13, 19

O auauna a Iosia o loo talanoa ia Hilikia

Sa ia ta‘u atu ia Hilikia e fesili atu i le Alii po o le a le mea e tatau ona latou faia. Sa asiasi atu Hilikia ma auauna a le tupu ia Ulata. O ia o se perofeta fafine, o se taitai faamaoni sa musuia e le Atua. Sa ia fai mai sa fiafia le Alii ia Iosia ona sa ia fesoasoani i tagata ia usitai. Sa folafola atu e le Alii o le a ola le Tupu o Iosia i le filemu.

1 Tupu 22:12–20

Tupu o Iosia i le taumafataga o le afiafi o le Paseka

Sa manao le Tupu o Iosia i lona nuu e tausia a latou folafolaga i le Alii. Sa ia fai atu ia i latou e faamanatu le Paseka e fesoasoani ia i latou e manatua ai le ala na faasaoloto ai e le Alii ia Isaraelu i se taimi ua leva i Aikupito.

2 Nofoaiga a Tupu 35:1–19