“Aiga o Atamu ma Eva,” Tala o le Feagaiga Tuai (2022)
“Aiga o Atamu ma Eva,” Tala o le Feagaiga Tuai
Aiga o Atamu ma Eva
Filifili e mulimuli i le Alii
Ina ua tuua e Atamu ma Eva le Faatoaga o Etena, sa faaauau pea ona la aoao e uiga i le fuafuaga a le Tama Faalelagi mo i laua i le lalolagi. Sa toatele le la fanau ma sa aoaoina i latou i mea uma ia latou iloa e uiga i le Alii. O nisi o fanau a Atamu ma Eva na filifili e usitai i le Alii. Ae o nisi o i latou na filifili e le faia.
Sa tausia e Atamu ma Eva se tusi o mea e manatua. Sa latou tusia o latou talafaasolopito o aiga i le tusi. Sa latou tusi e uiga i le ala na fesoasoani ai le Alii ia i latou.
O Kaino ma Apelu o atalii e toalua o Atamu ma Eva. Sa alofa Apelu i le Alii ma filifili e mulimuli ia te Ia. Sa lei usitai Kaino i le Alii. Sa ia filifili e fouvale.
Sa faaauau pea ona tuputupu ae le aiga o Atamu ma Eva. E toatele isi tagata na fananau mai. Sa latou maua uma le saolotoga e faia ai filifiliga. E i ai taimi, sa fouvale ai nisi o tagata i poloaiga a le Alii. Sa auina atu e le Alii perofeta e aoao tagata ia salamo.