“O Mala o Aikupito,” Tala o le Feagaiga Tuai (2022)
“O Mala o Aikupito,” Tala o le Feagaiga Tuai
Esoto 4–5; 7–12
O Mala o Aikupito
o filifiliga a Farao e faasaga i le Alii
Sa faatuatuaina e Mose le Alii ma toe foi atu i Aikupito. Na o atu Mose ma lona uso o Arona ia Farao ma ta’u atu i ai e faasaoloto Isaraelu ma tuua Aikupito. Na ita Farao ma sa musu o ia. Sa ia faia faamalosi ia Isaraelu ia faateleina le galulue malosi.
Ona ua le faalogo Farao i le Alii, o lea sa i ai i Aikupito le fetuu i mala matautia. Muamua, o vai uma o Aikupito ua liua i le toto. Ona toe fai atu foi lea o Mose ia Farao e tuu Isaraelu e o, ae sa fai mai Farao e leai.
Na sosoo ai, ma le tuuina atu e le Alii o lane i a Aikupito. Sa i ai i latou i soo se mea. Sa fai atu Farao o le a ia tuu atu Isaraelu e o pe a aveese atu lane. Sa faia e le Alii ia lane ia o ese, ae sa le tuu atu e Farao Isaraelu e o. Ona tuu mai lea e le Alii le utu ma lago.
Na sosoo ai, ma le mamate o manu o lafu uma a Aikupito, ae leai se manu a Isaraelu na mate. Ona maua lea o tagata Aikupito i tiga o le ma’i fulafula i o latou tino.
O se afa matautia na sau ma le uatoa ma le afi na oo mai foi i Aikupito. O lea na afua ai se faatamaiga tele.
Sa le tuua lava e Farao Isaraelu e o. Ona tuuina atu lea e le Alii le se akerise, ma sa latou aia meaai uma a tagata.
Ona i ai lea o le pogisa mo aso e tolu. A o i ai nei mala, sa folafola atu e Farao o le a tuu Isaraelu e o pe a taofia ia mala, ae sa ia pepelo i taimi uma ia.
Ina ua uma mala e iva, sa le tuua lava e Farao Isaraelu e o. Na ta’u atu e le Alii ia Mose o le a i ai le isi mala matautia o le a oo mai. Sa taitaia e le Alii ma puipuia ia Isaraelu a’o latou faatalitali mo lo latou saolotoga.