Iopu 1–3; 19; 38–42

Iopu

Talitonuina o le alofa o le Alii

Iopu ma le aiga o loo faia se taumafataga o le afiafi

O Iopu o se tagata lelei e alofa i le Alii ma tausia Ana poloaiga. O ia ma lana ava e 10 le la fanau, ma e tele ana lafu manu ma le tamaoaiga tele.

Iopu 1:1–5

Iopu o loo tilotilo atu i le afā

Na faatagaina e le Alii le tofotofoina o le faatuatua o Iopu. Na oo Iopu i mea faigata.

Iopu 1:6–12

Ua mu le fale o Iopu

O se tasi aso sa gaoia uma ai lafu manu a Iopu. Mulimuli ane na mu i le afi meatotino uma a Iopu ma fasiotia ai ana auauna uma ma ana lafu manu. Ona sau ai lea o se afā ma pa’ū ai i lalo le fale o le atalii o Iopu. Sa i ai i totonu le fanau a Iopu, ma na feoti uma i latou. Sa leai se mea na totoe ia Iopu ma lana ava ua na’o o la’ua ola.

Iopu 1:13–19

Iopu ma lana ava o loo tatalo

Sa faanoanoa Iopu ma lana ava. Sa aveesea mea uma, e oo lava ia la fanau. Ae sa faatuatua pea Iopu i le Alii. Na te le’i tuuaia le Alii e tusa ma le mea na tupu.

Iopu 1:20-22

O loo fafaga Iopu o loo ma’i e lana ava

Ona oo lea ina ma’i tigaina Iopu. O papala tiga na ufitia ai lona tino. Sa mafaufau Iopu ma lana ava pe aisea na tutupu ai nei mea faigata uma.

Iopu 2:7–9; 3:1–11

Na faaali atu e Iesu ia Iopu le atulaulau

Na talanoa le Alii ia Iopu ma faaali atu ia te ia le laueleele, o fetu, ma meaola uma lava. Na aoao atu e le Alii ia Iopu se lesona taua. Na foafoaina mea uma e fesoasoani i fanau a le Tama Faalelagi e aoao ai e uiga i Lona Alo o Iesu Keriso ma mulimuli ia te Ia.

Iopu 38:41

Iopu ma le aiga

Sa salamo Iopu ma ole atu i le Alii e faamagalo mai o ia mo le masalosalo. Sa ia folafola atu na te faatuatuaina le Alii. Na silafia e le Alii e alofa Iopu ia te Ia. Na Ia faamaloloina Iopu ma faamanuia ia te ia ma le toatele o nisi fanau ma sa faaluaina le tamaoaiga nai lo mea sa ia te ia muamua.

Iopu 19:25–26; 42