“Akara,” Tala o le Feagaiga Tuai (2022)
“Akara,” Tala o le Feagaiga Tuai
Akara
O le fuafuaga a le Alii mo Lona afafine
O Akara o le auauna a Sara. Sa loomatua lava Sara ma sa leai se fanau. Sa ia fai atu i lona toalua, o Aperaamo, e faaipoipo ia Akara ina ia mafai ona maua ai se la fanau. Sa faaipoipo Aperaamo ma Akara, ma e lei umi ae maua se pepe a Akara.
Sa amata ona agaleaga Akara ma Sara i le tasi ma le isi. Sa filifili Akara e sola ese atu i le toafa.
A o malaga Akara, sa amata ona vaivai ma fia inu o ia. Mulimuli ane, sa sau o ia i se nofoaga ma se vai ma malolo ai iina.
Sa silafia e le Alii ia faafitauli o Akara ma sa i ai se fuafuaga e fesoasoani ia te ia. Sa ia auina atu se agelu e fai atu ia te ia e toe foi atu ia Aperaamo ma Sara. Sa ia folafola atu o le a tuputupu ae le aiga o Akara. Sa ia fai mai o le pepe o le a ia maua o se tama ma e tatau ona ia faaigoaina o ia o Isamaeli.
Sa faatuatuaina e Akara le Alii ma usitai i le agelu. Sa toe foi atu o ia ia Aperaamo ma Sara. Sa maua e Akara lana pepe tama, ma o lona igoa o Isamaeli. Sa iloa e Akara o loo silasila mai le Alii ia te ia.