“Elisaia ma le Autau a le Alii,” Tala o le Feagaiga Tuai (2022)
“Elisaia ma le Autau a le Alii,” Tala o le Feagaiga Tuai
Elisaia ma le Autau a le Alii
O kariota afi a le Alii
Sa lei fiafia ia Suria ia Isaraelu. Na auina atu e le tupu o Suria lana autau e pue mai Elisaia le perofeta. I le po, sa siomia ai e le autau le aai lea sa i ai Elisaia.
Sa ala i luga le auauna talavou a Elisaia ma iloa atu le autau a Suria. Sa ia fesili atu ia Elisaia po o le a le mea e tatau ona latou faia. Sa ta‘u atu e Elisaia i le alii talavou e aua le fefe. Sa ia fai atu o le autau o loo tau mo i latou sa sili atu ona telē nai lo le autau o faasagatau mai ia i latou.
Sa ole atu Elisaia i le Alii e faaali atu i le alii talavou le mea na vaai i ai Elisaia. Sa faaali atu e le Alii ia te ia se autau faalelagi e i ai solofanua ma kariota afi e puipuia i latou. Sa faatauaso le autau a Suria e le mana o le Atua. Sa latou le toe tau faasaga ia Isaraelu.