“Elia ma Ositaulaga a Paala,” Tala o le Feagaiga Tuai (2022)
“Elia ma Ositaulaga a Paala,” Tala o le Feagaiga Tuai
1 Tupu 18
Elia ma Ositaulaga a Paala
O perofeta a le Alii faasaga i ositaulaga pepelo
O le malo o Isaraelu ua faaauau pea ona safa i le leai o se vai. Na ta’u atu e Aapo i tagata e mulimuli i se atua sese e igoa ia Paala.
Na auina atu Elia le perofeta e le Alii e feiloai ma Aapo. Ua valaaulia e Elia tagata uma i le tumutumu o se mauga. Na ia valaaulia le tupu ma ana ositaulaga i se lu’i e iloa ai po o le Alii po o Paala le Atua moni.
Sa faamatala atu e Elia le lu’i. O ia ma ositaulaga o le a osia le taulaga i se povi po’a i luga o le fata faitaulaga, ae latou te le tutuina se afi. Ae o le a tatalo ositaulaga ia Paala e tutu mai le afi. Ona tatalo ai lea o Elia i le Alii e tutu mai le Afi. Na iloa e Elia ua na o le Atua moni e mafaia ona tutuina le afi.
Sa tatalo ositaulaga a Paala i lo latou atua mai le taeao seia oo i le aoauli, ae leai se mea na tupu. Sa talaula atu Elia ia i latou ona fai atu atonu o loo moe le atua o Paala.
Ua tupu le ita i ositaulaga, ua feoso i luga o le fatafaitaulaga, ua feei seia oo i le po. Sa latou faamoemoe o le a tali mai lo latou atua, ae sa leai lava se afi.
Ona oo lea i le taimi o Elia. Na ia fau le fatafaitaulaga i le Alii, eli alavai faataamilo i le fatafaitaulaga, ma saunia le taulaga.
Na fai atu Elia i tagata e faatutumu paelo vai e fa ma sasaa atu faatolu i luga o fafie o lana fatafaitaulaga. Na susu uma fafie ma le fatafaitaulaga. Sa tumu ai le alavai atoa.
Na tatalo Elia i le Alii e faaali mai le mana o le Atua moni. Ona pa’û ifo lea o le afi a le Alii ma faaumatia le taulaga, fafie, maa, ma le vai. Ua iloa e tagata o le Atua a Elia o le Atua moni lava. Na tatalo Elia ina ia faamuta le la mala, ona auina mai lea e le Alii le timu.