“Tanielu ma Ana Uo,” Tala o le Feagaiga Tuai (2022)
“Tanielu ma Ana Uo,” Tala o le Feagaiga Tuai
Tanielu 1
Tanielu ma Ana Uo
Ua teena le aai i meaai a le tupu
Ua pulea Ierusalema e le malo o Papelonia. Sa latou aveina ni isi o alii talavou popoto ma malolosi mai o latou aiga i Ierusalema ma avatu i latou i Papelonia e auauna i le tupu.
O Tanielu ma Ana Uo o ni isi o ia alii talavou. Sa filifilia i latou e auauna i le maota o le tupu ma avea ma ana alii popoto.
Sa tuuina atu e le tupu ia Tanielu ma ana uo meaai ma uaina. Ae sa latou le faaaogaina meaai a le tupu pe inuina foi le uaina. Sa le faatagaina e Poloaiga a le Alii.
O le mea lea na oo ai le fefe i le auauna a le tupu mo lona ola. Sa ia tausia lelei Tanielu ma ana uo, sa ia manatu afai latou te teena meaai a le tupu, o le a tele lo latou vaivai nai lo isi alii talavou. Ona oo ai lea o le ita i le tupu ma tuuina atu ai le auauna ia fasiotia.
Na faatuatuaina e Tanielu le Atua ma manao e usitai i Ana poloaiga. Na ta’u atu e Tanielu i le auauna e aumai vai ma fua o laau mo le sefulu aso ona e faatusatusa lea o lo latou malosi ma le malosi o isi alii talavou. Na malie i ai le auauna.
Ina ua maea aso e sefulu, na faateleina le malolosi o Tanielu ma ana uo nai lo isi alii talavou uma. Sa mulimuli Tanielu ma ana uo i poloaiga a le Atua, ma na faia e le Atua i latou o ni alii popoto i le maota o le tupu.