“Enoka le Perofeta,” Tala o le Feagaiga Tuai (2022)
“Enoka le perofeta,” Tala o le Feagaiga Tuai
Kenese 5; Mose 6–7
Enoka le perofeta
E faapefea e le faatuatua i le Alii ona faasaoina le aai
Na fai atu le Alii o Iesu Keriso ia Enoka e ta’u atu i tagata ia salamo. Ae na manatu Enoka o ia e le lelei sana tautala. Sa fefe o ia ina ne’i le faalogo mai tagata ia te ia.
Sa folafola atu e le Alii na te faamalosia ma puipuia Enoka e ui lava e i ai nai tagata e le o fiafia i mea o loo aoao atu e Enoka.
O le folafolaga a le Alii na maua ai e Enoka le lototele. Na usitai Enoka i le Alii ma aoao atu i tagata ma le mana. Na ia aoao atu e uiga ia Iesu Keriso, salamo, papatisoga, ma le Agaga Paia. Sa i ai tagata sa talitonu ia Enoka ma mananao e mulimuli i le Alii.
Sa i ai le pule ia Enoka mai le Atua e fai ai papatisoga. O tagata uma sa talitonu ia Enoka sa papatiso ma omai atili i le Alii. Sa leai se mativa aua sa latou fetausiai. Sa ta’ua i latou o Siona ona sa latou nonofo faatasi i le alofa ma le amiotonu.
I se tasi aso na faailoa atu ai e le Alii ia Enoka se faaaliga i mea uma o le a tutupu i le laueleele. Sa vaai Enoka i le soifua, maliu, ma le Toetu o Iesu Keriso. Na aoaoina e Enoka o le a toefuatai mai le talalelei i aso e gata ai. Sa ia vaai foi i le Toe Afio Mai Faalua o Iesu.
Mulimuli ane, o tagata uma i le aai o Siona ua talitonu ia Enoka ma ua salamo. Ona ua tausia e le tasi le isi oi latou ma ua nonofo i le filemu, o lea na aveina a’e ai e le Alii i latou e mau faatasi ma Ia.