Ruta 1–4

Ruta ma Naomi

Faasaoina mai luitau ma le alofa ma le faamaoni

Naomi ma lona aiga o loo savavali atu i le aai.

Na malaga atu Naomi ma lona aiga i Moapi ona ua le lava meaai i le nuu o Iuta. Ona maliu ai lea o le tane a Naomi. O atalii o Naomi na faaipoipo i fafine Moapi e igoa ia Orepa ma Ruta. Sa latou tausia Naomi mo le 10 tausaga.

Ruta 1:1–4

Orepa, Ruta, ma Naomi o loo feopoopoai

Ona maliliu lea o tane a Orepa ma Ruta. O lea la ua tuua na o fafine. Ua le mafai e Naomi ona avatu ni meaai mo Ruta ma Orepa.

Ruta 1:5, 8–10

Ruta ma Naomi o loo malaga faatasi ma kamela

Ua toe foi Orepa i lona aiga. Ae sa manao Ruta e nofo ma tausi lelei ia Naomi. Ua faalogo Ruta ma Naomi ua toe fua faatoaga i Iuta, sa la malaga ai loa iina.

Ruta 1:16–19

Ua aoina mai e Ruta sana

Ua taunuu Ruta ma Naomi i Iuta i le taimi o le seleselega. Sa la manaomia ni meaai. O le tagata o le aiga a Naomi e igoa ia Poasa e i ai lana faatoaga i Iuta. Na ia tuu atu ia Ruta na te ave karite na totoe mai lana faatoaga. O se galuega faigata.

Ruta 1:22; 2:3

Poasa o loo talanoa ia Ruta

Sa faaaloalo Poasa ia Ruta ona sa ia galue malosi ma ona sa ia faamaoni ia Naomi ma le Alii. Sa ia fai atu i auauna e faatotoe ni karite se tele i le faatoaga mo Ruta.

Ruta 2:5–17

Ruta ma Naomi

Na manao Naomi ia Ruta e fai sona aiga. Sa ia fautuaina Ruta e faaipoipo ia Poasa. Na iloa e Ruta afai e faaipoipo i la’ua ma Poasa, o le a mafai ona la tausia lelei faatasi Naomi.

Ruta 3:1–2; 4:15

Ruta ma Poasa

Sa filifili loa Ruta e fai atu ia Poasa la te faaipoipo. Sa iloa e Poasa o Ruta sa ia loto faamaoni ma se fafine amio mama. Sa malie i ai o ia.

Ruta 3:3–18; 4:13

O Ruta, Poasa, ma le pepe

Ua faaipoipo Ruta ma Poasa. Sa le’i pine ae fanau se pepe tama a Ruta. Na avea o ia ma tamamatua o Tavita, le tupu o le lumanai. I le tele o tausaga mulimuli ane, sa fanau mai ai Iesu i le gafa lenei o le aiga.

Ruta 4:13–17