Kenese 1–2; Mose 1–3; Aperaamo 3–5

O Le Foafoaga o le Lalolagi

O se fuafuaga matagofie mo le fanau a le Tama Faalelagi

O le Atua ma le Alii na foafoaina le atulaulau

O le Atua lo tatou Tama Faalelagi na ia faaali mai le fuafuaga o le faaolataga i le lagi. Sa tatou alalaga uma i le fiafia! O le a mafai ona tatou omai i le lalolagi ia maua tino faitino. A o tatou i ai i le lalolagi, o le a tatou aoao e mulimuli i le Alo o le Atua, le Alii o Iesu Keriso. Na foafoaina e le Alii le lalolagi i le mulimuli i faatonuga a le Atua.

Kenese 1:1; Iopu 38:4–7; Mose 1:32–33; 2:1; Aperaamo 3:22–27

paneta i le vanimonimo

I le aso muamua, na tuueseese ai e le Alii le malamalama mai le pogisa. Sa ia ta’u le malamalama o le ao ma le pouliuli o le po.

Kenese 1:3–5; Mose 2:3–5; Aperaamo 4:1–5

ao ma le vasa

O le aso lona lua, na Ia vaevae ai vai i le va o ao i le lagi ma le vasa i le laueleele.

Kenese 1:6–8; Mose 2:6–8; Aperaamo 4:6–8

vaomatua i tafatafa o vai e tele

I le aso lona tolu, na foafoa ai e le Alii ni vai tetele ma se laueleele matutu. Na ia faaigoa vai o le sami ma le eleele matutu o le eleele. Na ia faamatagofie le laueleele i fugalaau, fualaau aina, laau iti ma laau tetele.

Kenese 1:9–13; Mose 2:9–13; Aperaamo 4:9–13

o se ata faatusa o le ao ma le po

I le aso lona fa, na Ia foafoaina ai le la ia susulu atu i le aluga o le aso. Ona Ia foafoaina lea o le masina ma fetu e susulu i le po.

Kenese 1:14–19; Mose 2:14–19; Aperaamo 4:14–19

meaola o le sami

I le aso lona lima, na foafoa ai e le Alii i’a i le sami ma manu felelei i le lagi. Na Ia faamanuia ai meaola ia fanafanau ma faamanuia i i’a ia tumu ai vai.

Kenese 1:20–23; Mose 2:20–23; Aperaamo 4:20–23

manu vaefa i le vaomatua

I le aso lona ono na Ia foafoa ai manu i le fogaeleele, o isi e savavali ma o isi e fetolofi.

Kenese 1:24–25; Mose 2:24–25; Aperaamo 4:24–25

Atamu ma Eva i le Faatoaga o Etena

Na o ifo le Tama Faalelagi ma le Alii i lalo i le lalolagi i le aso ono. Na foafoa ai le tane ma le fafine i le faatusa o le Atua. Na ta’u atu e le Tama Faalelagi ia i la’ua ia la fetausiai lelei ma ia maua ni fanau Sa faatuatuaina foi le tane ma le fafine o le a la tausia lelei le fanua ma manu.

Kenese 1:26–27; Mose 2:26–27; Aperaamo 4:26–31; 5:7–8

O Atamu ma Eva o loo tilotilo atu i manu

Sa fiafia lava le Tama Faalelagi i mea uma na Latou foafoaina. I le aso lona fitu, na Latou malolo ai mai a Latou galuega uma. O le lalolagi sa matagofie ma ua tumu i le ola.

Kenese 2:1–3; Mose 3:1–3; Aperaamo 5:1–3