Esoto 11–12; 14–15

O Le Paseka

Puipuia e le Alii

Mose o loo tatalo

Sa le tuuina atu e Farao Isaraelu e o saoloto, o lea na ta‘u atu ai e le Alii ia Mose o le a Ia auina mai le mala mulimuli e tasi. O le ulumatua o aiga uma i le laueleele o Aikupito o le a oti, e oo lava i le ulumatua o a latou manu.

Esoto 11:1, 4–10

Mose o loo talanoa atu i tagata

Sa folafola atu e le Alii afai e mulimuli Isaraelu i Ana faatonuga, o le a laaloa le mala ia i latou ma lē faatiga ai i latou.

Esoto 12:3, 13, 23

Tamaloa o loo valiina laaufaalava o le faitotoa, o tamaiti o loo matamata

Na ta‘u atu e le Alii i aiga taitasi o Isaraelu e ositaulagaina se tamai mamoe po’a atoatoa ma vali le toto o le tamai mamoe i laaufaalava o le faitotoa o o latou fale.

Esoto 12:4–7

Aiga o loo taumamafa se taumafataga

Na ta‘u atu e le Alii ia Isaraelu e kuka ma vave ona aai i le tamai mamoe. A o latou aai, e tatau ona laei ma sauni e tuua o latou fale. Na fetalai le Alii afai e faia e Isaraelu nei mea, o le a saogalemu a latou ulumatua mai le mala.

Esoto 12:8–11

Ua oti le atalii o Farao

E pei ona lapatai mai le Alii, na oo mai le mala. Na feoti ulumatua uma i Aikupito, e aofia ai le atalii ulumatua o Farao. Ae sa sopoloa le mala i fale taitasi sa i ai le toto o le tamai mamoe i luga o laaufaalava o faitotoa. O ulumatua a Isaraelu na faaolaina ona sa latou usiusitai i le Alii.

Esoto 12:12–13, 29–30

Farao faanoanoa o loo ta‘u atu ia Mose ma Arona e o ese

Ina ua vaai Farao ua oti lona lava atalii ona o lenei mala, sa ia tau atu ia Mose ma Arona e ave Isaraelu uma ma tuua Aikupito.

Esoto 12:31–33

ua auina atu e Farao o loo ita le autau

Sa o ese Isaraelu, ae sa ita Farao. Sa ia faapotopotoina lana autau ma kariota ma tuliloa ia Isaraelu.

Esoto 12:37–41; 14:5–8

autau o loo tuliloaina Isaraelu

Sa tolauapi Isaraelu i le Sami Ulaula. E lei umi ae maua atu e Farao ma lana autau i latou. Ina ua vaai atu Isaraelu i le o mai o Aikupito, sa latou fefefe. Ae sa ta‘u atu e Mose ia Isaraelu o le a puipuia i latou e le Alii.

Esoto 14:9–14

O Mose o loo siiina le tootoo, ua vaeluaina le Sami Ulaula

Ina ua latalata mai Aikupito, sa ta‘u atu e le Alii ia Mose e sii i luga lona tootoo. Sa faia e Mose, ma sa vaeluaina e le Alii le sami. Ua sopoia e Isaraelu le Sami Ulaula i le laueleele matutu. Sa latou taufetuli ese mai ia Farao ma lana autau.

Esoto 14:15–16, 21–22

Na pau ifo le Sami Ulaula i le autau a Aikupito

Ua tuliloa e le autau a Aikupito ia Isaraelu. Ina ua saogalemu Isaraelu uma i le isi itu o le sami, sa tuu e le Alii le vai e sau i lalo. Na malelemo le autau a Aikupito i le sami.

Esoto 14:23–30

O Isaraelu o loo sisiva

Na iu lava ina saoloto Isaraelu. Sa latou usuina pese, sisiva, ma faafetai i le Alii. Sa latou manatua pea le Paseka o se taimi na faasaoina ai e le Alii o latou ola ma taitai eseina i latou mai Aikupito.

Esoto 14:31; 15:1–22