O Le Pepe o Mose

Puipuiga o le taitai mo le lumanai o le fanauga Isaraelu

Na avea le aiga o Iakopo ma se nuu maualuga i Aikupito. Na ta’ua i latou o Tagata o Isaraelu. O Farao, le tupu o Aikupito, sa fefe o le a i ai le aso o le a faatoateleina ai le nuu o Isaraelu ma latou pulea Aikupito, ma sa ia faia ai tagata Isaraelu ma ana pologa.

Esoto 1:7–14

Ata

o fitafita o loo tilotilo atu i luga o le vaitafe

Na poloaina ai loa e Farao ia fasiotia pepe tama uma a Tagata Isaraelu e fananau mai. Sa matua fefefe aiga uma o Isaraelu.

Esoto 1:15–22

Ata

O Iokapeta, Miriama, ma le pepe o Mose i le vatafe.

Sa mafaufau le fafine Isaraelu e igoa ia Iokapeta i se auala e faasaoina ai lana pepe faatoa fanau mai. Sa ia tuu lana pepe i totonu o le ato ma nana le ato i le vaoutuutu i le Vaitafe o le Naila. O Miriama le tuafafine o le pepe, sa vaaia ma puipuia o ia.

Esoto 2:1–4

Ata

O le afafine o Farao o loo opoina le pepe o Mose

A o taele i le vaitafe, na maua e le afafine o Farao se ato. Sa ia vaai ai i se pepe a se tagata Isaraelu ua lafoaia o loo tagi ma sa ia manao na te tausia e pei o sana lava tama. Na sau Miriama i le afafine o Farao ma fesili atu pe mafai ona ia aumaia se fafine Isaraelu na te tausia le pepe.

Esoto 2:5–6

Ata

O le afafine o Farao, Iokapeta, Miriama, ma le pepe o Mose

Na aumai e Miriama lona tina o Iokapeta i le afafine o Farao. Ma malie le afafine o Farao na te totogia Iokapeta na te tausia le pepe.

Esoto 2:8–9

Ata

O le afafine o Farao, Iokapeta, ma Mose

Ua tupu le pepe Isaraelu. Sa tausia e le afafine o Farao o ia e pei o sana lava tama. Sa ia faaigoa o ia ia Mose.

Esoto 2:10