“Iakopo ma Esau,” Tala o le Feagaiga Tuai (2022)
“Iakopo ma Esau,” Tala o le Feagaiga Tuai
Kenese 25–27
Iakopo ma Esau
E toalua le au uso ae tasi le tofi ulumatua
Na i ai le masaga tama a Isaako ma Repeka, o Iakopo ma Esau. O Esau o se tulimanu poto. O Iakopo sa ola i se olaga faigofie ma mulimuli i le Alii.
O Esau na fanau muamua. E masani lava o le ulumatua na te mauaina le faamanuiaga o le tofi ulumatua mai lona tama. O le uiga o le tofi ulumatua o le a ia taitai le aiga ma maua fanua e tele ma manu e fesoasoani e tausi ai le aiga. Ae o Esau na tausi lava na’o ia ae le o lona aiga, ma sa le usitai i ona matua ma le Alii.
O se tasi aso na foi mai Esau mai lana tuligamanu. Sa matua fia ai tele ma aioi atu ia Iakopo e fafaga ia te ia. Na manao le Alii e maua e Iakopo le faamanuiaga o le tofi ulumatua ona ua le agavaa ai Esau. Na fai atu Iakopo ia Esau e faatau atu le tofi ulumatua ia te ia mo ni meaai. Ua malie Esau e faatau atu lona tofi ulumatua ia Iakopo.
Kenese 25:23, 29–34; Eperu 11:20
Na mananao Repeka ma Isaako i le mea sili mo la la’ua fanau. Sa faanoanoa i la’ua ona o loo fai lava e Esau mea e manao i ai ae le o le mea e finagalo ai le Alii.
Ua toeaina Isaako ma ua tauaso. A o lei maliu o ia, na ia fai atu ia Esau e alu e tuli mai se manu ma faavela mo ia e ai ma fiafia ai.
Sa iloa e Repeka o le taimi lea mo Isaako e tuuina atu ai le faamanuiaga o le tofi ulumatua.
Na fai atu Repeka ia Iakopo e aumai ni manu se lua o le a ia kukaina ai se meaai manū e lei foi mai Esau. Ona maua ai lea e Iakopo le faamanuiaga.
Sa faaofu Iakopo e pei o Esau ma avatu le meaai i lona tama. Na tuuina atu e Isaako le faamanuiaga ia Iakopo Ina ua foi mai Esau, sa matua ita tele ia Iakopo. Ae o le tofi ulumatua na tuuina atu ia Iakopo ona sa ia tausi poloaiga a le Alii ae lei faia e Esau.