« កំលោះដាវីឌ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« កំលោះដាវីឌ » ដំណើររឿងព្រះគម្ពីរសញ្ញាចាស់
កំលោះដាវីឌ
ក្មេងឃ្វាលចៀមត្រូវបានហៅឲ្យធ្វើជាស្ដេច
ព្រះអម្ចាស់បានបញ្ជូនព្យាការីសាំយូអែល ឲ្យទៅស្វែងរកស្ដេចថ្មីមួយអង្គ ។ សូល ដែលជាស្ដេចនៅគ្រានោះ បានឈប់ធ្វើតាមព្រះអម្ចាស់ ។ ព្រះអម្ចាស់បានមានបន្ទូលទៅសាំយូអែល ឲ្យធ្វើដំណើរទៅភូមិបេថ្លេហិម ហើយស្វែងរកបុរសម្នាក់ដែលមានឈ្មោះថា អ៊ីសាយ ។ ស្ដេចថ្មីនឹងជាកូនប្រុសម្នាក់របស់អ៊ីសាយ ។
កូនប្រុសបងៗរបស់អ៊ីសាយមានកម្ពស់ខ្ពស់ និងមានមាឌមាំ ។ ប៉ុន្ដែ ព្រះអម្ចាស់បានមានបន្ទូលទៅសាំយូអែលថា កុំឲ្យមើលតែរូបកាយខាងក្រៅរបស់ពួកគេឡើយ ។
សាំយូអែលបានសួរអ៊ីសាយថា តើលោកមានកូនប្រុសផ្សេងទៀតដែរឬទេ ។ អ៊ីសាយបានថ្លែងថា កូនប្រុសពៅរបស់លោកឈ្មោះ ដាវីឌ កំពុងតែមើលចៀម ។ ដាវីឌត្រូវបានគេនាំមកជួបនឹងសាំយូអែល ។
ដាវីឌមានមាឌល្អិតជាងពួកបងប្រុសរបស់លោក ហើយគ្រាន់តែជាក្មេងឃ្វាលចៀមប៉ុណ្ណោះ ។ ប៉ុន្ដែ ព្រះអម្ចាស់មិនខ្វល់ព្រះទ័យនឹងរូបរាងខាងក្រៅរបស់ដាវីឌឡើយ ។ ព្រះអម្ចាស់បានជ្រាបថា ដួងចិត្តរបស់ដាវីឌគឺពោរពេញដោយសេចក្ដីជំនឿ ។ ទ្រង់បានមានបន្ទូលទៅសាំយូអែលថា ដាវីឌនឹងធ្វើជាស្ដេច ។ សាំយូអែលបានប្រទានពរដល់ដាវីឌ ។ ព្រះវិញ្ញាណនៃព្រះអម្ចាស់បានរៀបចំដាវីឌឲ្យធ្វើជាស្ដេច ។