« ដានីយ៉ែល និងមិត្តរបស់លោក » ដំណើររឿងព្រះគម្ពីរសញ្ញាចាស់ ( ឆ្នាំ២០២០ )
« ដានីយ៉ែល និងមិត្តរបស់លោក » ដំណើររឿងព្រះគម្ពីរសញ្ញាចាស់
ដានីយ៉ែល ១
ដានីយ៉ែល និងមិត្តរបស់លោក
ការបដិសេធមិនព្រមបរិភោគអាហាររបស់ស្ដេច
នគរបាប៊ីឡូនបានគ្រប់គ្រងលើក្រុងយេរូសាឡិម ។ ពួកគេបានយកយុវជនដ៏ឆ្លាត ហើយខ្លាំងក្លាបំផុតចេញពីគ្រួសារនៅក្រុងយេរូសាឡិម ហើយនាំយុវជនទាំងនោះត្រឡប់ទៅក្រុងបាប៊ីឡូនវិញដើម្បីបម្រើស្ដេច ។
ដានីយ៉ែល និងមិត្តរបស់លោកគឺជាយុវជនក្នុងចំណោមយុវជនទាំងនេះ ។ ពួកគេត្រូវបានជ្រើសរើសឲ្យបម្រើនៅក្នុងតុលាការរបស់ស្ដេច ហើយក្លាយជាពួកហោរារបស់ទ្រង់ ។
ស្ដេចបានប្រទានឲ្យដានីយ៉ែល និងមិត្តរបស់លោកនូវអាហារ និងស្រា ។ ប៉ុន្តែពួកគេមិនបានបរិភោគអាហារ ឬផឹកស្រារបស់ស្ដេចឡើយ ។ វារំលងបទបញ្ញត្តិរបស់ព្រះ ។
រឿងនេះធ្វើឲ្យអ្នកបម្រើរបស់ស្ដេចខ្លាចបាត់បង់ជីវិតខ្លួន ។ គាត់បានមើលថែដល់ដានីយ៉ែល និងមិត្តរបស់លោក ហើយបានគិតថា បើពួកគេបានបដិសេធអាហាររបស់ស្ដេច នោះពួកគេនឹងធំឡើងទន់ខ្សោយជាងយុវជនផ្សេងទៀត ។ បន្ទាប់មកស្តេចនឹងខ្ញាល់ ហើយសម្លាប់អ្នកបម្រើនោះ ។
ប៉ុន្តែដានីយ៉ែលបានទុកចិត្តព្រះ ហើយចង់គោរពតាមបទបញ្ញត្តិរបស់ទ្រង់ ។ ដានីយ៉ែលបានសុំឲ្យអ្នកបម្រើនោះយកទឹក និងគ្រាប់ធុញ្ញជាតិមកឲ្យពួកគាត់សម្រាប់រយៈពេល ១០ ថ្ងៃ រួចប្រៀបធៀបសុខភាពរបស់ពួកគាត់ និងសុខភាពរបស់យុវជនផ្សេងទៀត ។ អ្នកបម្រើនោះបានយល់ព្រម ។
លុះ ១០ ថ្ងៃក្រោយមក ដានីយ៉ែល និងមិត្តរបស់លោកមានសុខភាពលើសយុវជនផ្សេងទៀត ។ ដានីយ៉ែល និងមិត្តរបស់លោកបានធ្វើតាមបទញ្ញត្តិរបស់ព្រះ ហើយព្រះបានធ្វើឲ្យពួកគាត់ក្លាយជាមនុស្សដ៏ឆ្លាតបំផុតនៅក្នុងតុលាការរបស់ស្ដេច ។