« ព្យាការីម៉ាឡាគី » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ព្យាការីម៉ាឡាគី » ដំណើររឿងព្រះគម្ពីរសញ្ញាចាស់
ព្យាការីម៉ាឡាគី
ការរស់នៅតាមច្បាប់ដង្វាយមួយភាគក្នុងដប់
ពួកសាសន៍យូដាបានថ្វាយដង្វាយមួយភាគក្នុងដប់ តាមរយៈការថ្វាយមួយភាគដប់នៃដំណាំ និងសត្វរបស់ពួកគេទៅកាន់ព្រះអម្ចាស់ ។ ព្រះអម្ចាស់បានប្រទានពរដល់ពួកគេ នៅពេលពួកគេថ្វាយដង្វាយមួយភាគក្នុងដប់ ។ ប៉ុន្ដែពួកសាសន៍យូដាមួយចំនួនបានចាប់ផ្ដើមថ្វាយនំប៉័ងផ្អូម ឬសត្វដែលខ្វាក់ ឬឈឺ ទុកជាដង្វាយមួយភាគក្នុងដប់របស់ពួកគេ ។ ពួកគេបានទុកអ្វីដែលល្អបំផុតសម្រាប់ខ្លួនគេ ។
លោកុប្បត្តិ ១៤:២០; ២៨:២២; ចោទិយកថា ១២:៦, ១១, ១៧; ម៉ាឡាគី ១:៧–៨, ១២–១៣
ព្រះអម្ចាស់មិនសព្វព្រះទ័យនោះទេ ។ ម៉ាឡាគី ដែលជាព្យាការី បានថ្លែងទៅកាន់ពួកសាសន៍យូដាថា ពួកគេកំពុងតែលួចព្រះអម្ចាស់ហើយ នៅពេលពួកគេមិនស្មោះត្រង់នៅក្នុងការថ្វាយដង្វាយមួយភាគក្នុងដប់នោះ ។ ម៉ាឡាគីបានប្រាប់ពួកគេឲ្យប្រែចិត្ត ។
ព្រះអម្ចាស់បានធ្វើការសន្យាមួយចំពោះពួកសាសន៍យូដា ។ ប្រសិនបើពួកគេថ្វាយដង្វាយមួយភាគក្នុងដប់ដោយស្មោះត្រង់ នោះព្រះអម្ចាស់នឹងចាក់ស្រោចព្រះពរដ៏ច្រើនមហិមាមកពីស្ថានសួគ៌ ។