« ណូអេ និងគ្រួសាររបស់លោក » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ណូអេ និងគ្រួសាររបស់លោក » ដំណើររឿងព្រះគម្ពីរសញ្ញាចាស់
លោកុប្បត្តិ ៦–៩; ម៉ូសេ ៨
ណូអេ និងគ្រួសាររបស់លោក
ទូកធំ ទឹកជំនន់ និងសេចក្តីសន្យារបស់ព្រះអម្ចាស់
ណូអេ និងគ្រួសាររបស់លោកបានគោរពតាមព្រះអម្ចាស់ ។ មនុស្សផ្សេងទៀតសុទ្ធតែទុច្ចរិតទាំងអស់ ។ ព្រះអម្ចាស់បានមានបន្ទូលទៅណូអេ ថាទឹកជំនន់នឹងគ្របដណ្តប់លើផែនដី ប្រសិនបើប្រជាជនមិនប្រែចិត្តទេ ។
លោកុប្បត្តិ ៦:៥–១៣; ម៉ូសេ ៨:១៣–១៧
ណូអេ បានបង្រៀនប្រជាជនថា ព្រះអម្ចាស់សព្វព្រះហឬទ័យនឹងពួកគេ ហើយមានព្រះទ័យចង់ឲ្យពួកគេប្រែចិត្ត ហើយមានសេចក្ដីជំនឿលើព្រះយេស៊ូវគ្រីស្ទ ។ ពួកគេពុំស្តាប់ឡើយ ។
ណូអេ បានសោកសៅដែលប្រជាជនមិនបានប្រែចិត្ត ។ ព្រះអម្ចាស់បានមានបន្ទូលណូអេ ឲ្យធ្វើនាវាធំមួហៅថាទូកធំ ។ ទូកធំនេះនឹងរក្សាក្រុមគ្រួសាររបស់ណូអេ ឲ្យរួចផុតពីទឹកជំនន់ ។
លោកុប្បត្តិ ៦:១៤–១៨, ម៉ូសេ ៨:២៥
ក្រុមគ្រួសាររបស់ណូអេ បានយកអាហារចូលទៅក្នុងទូកធំនេះ ។ ព្រះអម្ចាស់បានបញ្ជូនសត្វពីអំបូរមួយៗយ៉ាងហោចណាស់ពីរក្បាលទៅឲ្យណូអេ ។ សត្វទាំងពួងបានដើរចូលទៅក្នុងទូកធំ ហើយប្រាំពីរថ្ងៃក្រោយមកភ្លៀងក៏ធ្លាក់មក ។
ដូចអ្វីដែលព្រះអម្ចាស់បានព្រមាន ភ្លៀងបានធ្លាក់អស់រយៈពេល ៤០ ថ្ងៃ ៤០ យប់ ។ ទឹកជំនន់គ្រប់ដណ្តប់ផែនដី ។
ក្រុមគ្រួសាររបស់ណូអេ និងសត្វទាំងពួងនៅក្នុងទូកធំអណ្តែតលើទឹកដោយសុវត្ថិភាព ។
នៅពេលឈប់មានទឹកជំនន់ ទូកធំនេះបានចតនៅលើដីគោក ។ ណូអេ និងគ្រួសាររបស់លោកបានសង់អាសនាមួយដើម្បីថ្វាយបង្គំព្រះអម្ចាស់ និងថ្វាយអំណរគុណដល់ទ្រង់សម្រាប់ការការពារពួកគេ ។ ព្រះអម្ចាស់បានសន្យាថានឹងមិនឲ្យមានទឹកជំនន់នៅលើផែនដីម្តងទៀតឡើយ ។ ទ្រង់បានបញ្ជូនឥន្ធនូមកដើម្បីជាការរំឭកដល់សេចក្តីសន្យារបស់ទ្រង់ ។