« អេលីយ៉ាជាព្យាការី » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« អេលីយ៉ាជាព្យាការី » ដំណើររឿងព្រះគម្ពីរសញ្ញាចាស់
ពង្សាវតារក្សត្រ ទី១ ១៦–១៨
អេលីយ៉ាជាព្យាការី
ជំនឿរបស់ម្ដាយ និងអព្ភូតហេតុរបស់ព្រះអម្ចាស់
នគរនៃអ៊ីស្រាអែលគ្មានភ្លៀងធ្លាក់ ហើយទឹកក៏ហួតអស់ដែរ ។ ស្តេច អ័ហាប់ និងម្ចាស់ក្សត្រី យេសិបិល មិនសព្វព្រះទ័យនឹងព្យាការីរបស់ព្រះអម្ចាស់ឡើយ ។ ពួកទ្រង់ថែមទាំងបានសម្លាប់ព្យាការីមួយចំនួនទៀតផង ។ ស្តេច និងម្ចាសក្សត្រីបានអធិស្ឋានទៅកាន់រូបសំណាកសុំទឹកភ្លៀង ។ ប៉ុន្តែព្យាការីអេលីយ៉ាបានទូលទៅពួកទ្រង់ថា ព្រះអម្ចាស់នឹងមិនបញ្ជូនទឹកភ្លៀងមកជាច្រើនឆ្នាំទៀត ។
ពង្សាវតាក្សត្រទី ១ ១៦:២៩–៣៣; ១៧:១; ១៨:១៣
ស្តេច និងម្ចាស់ក្សត្រីបានខ្ញាល់នឹងអេលីយ៉ា ។ ព្រះអម្ចាស់ចង់ឲ្យអេលីយ៉ាលាក់ខ្លួន ពីព្រោះលោកកំពុងមានគ្រោះថ្នាក់ដល់ជីវិត ។
ព្រះអម្ចាស់បានដឹកនាំអេលីយ៉ាទៅកាន់អូរ ហើយបានបញ្ជូនសត្វបក្សីយកអាហារមកឲ្យលោក ។ ប៉ុន្តែដោយសារគ្មានទឹកភ្លៀង អូរនេះក៏រីងស្ងួត ហើយអេលីយ៉ាគ្មានទឹកហូបឡើយ ។
ព្រះអម្ចាស់បានដឹកនាំអេលីយ៉ាទៅជួបស្រ្តីម្នាក់នៅក្រុងដែលនៅឆ្ងាយមួយ ។ អេលីយ៉ាបានសុំទឹក និងនំបុ័ងនាងបរិភោគ ។ ប៉ុន្តែនាងមានសម្រាប់តែខ្លួននាង និងកូនប្រុសនាងតែមួយថ្ងៃទៀតប៉ុណ្ណោះ ។
អេលីយ៉ាបានដឹងថា នោះគឺជាអាហារបន្តិចបនួចដែលនាងនៅសល់ ។ លោកបានសន្យាថា ប្រសិនបើនាងផ្តល់អាហារឲ្យលោកហូប នោះព្រះអម្ចាស់នឹងប្រទានអាហារដល់ក្រុមគ្រួសារនាងមានរហូតដល់ភ្លៀងធ្លាក់មក ។
ស្រ្តីរូបនេះបានធ្វើនំបុ័ងជូនអេលីយ៉ា ។ បន្ទាប់មកប្រេង និងម្សៅរបស់នាងក៏មានកាន់តែច្រើនឡើង ។ ក៏មានអាហារគ្រប់គ្រាន់សម្រាប់ទាំងអេលីយ៉ា និងក្រុមគ្រួសាររបស់នាងសម្រាប់ពេលជាច្រើនថ្ងៃ ។
នៅថ្ងៃមួយ កូនប្រុសរបស់ស្រ្តីរូបនេះក៏បានឈឺ ហើយស្លាប់ ។ នាងបានសួរដល់អេលីយ៉ាពីមូលហេតុដែលព្រះអម្ចាស់បណ្តោយឲ្យរឿងនេះកើតឡើងចំពោះរូបនាង ។
អេលីយ៉ាមានបព្វជិតភាព ។ លោកបានប្រសិទ្ធពរដល់កូនប្រុសរបស់នាង ហើយបានទូលសូមដល់ព្រះអម្ចាស់ឲ្យកុមារនេះមានជីវិតរស់វិញ ។ កុមារនេះបានដកដង្ហើមវិញ ហើយស្រ្តីរូបនេះបានដឹងថា អេលីយ៉ាគឺជាព្យាការីរបស់ព្រះអម្ចាស់ ។