« អេលីសេព្យាបាលណាម៉ាន់ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« អេលីសេព្យាបាលណាម៉ាន់ » ដំណើររឿងព្រះគម្ពីរសញ្ញាចាស់
អេលីសេព្យាបាលណាម៉ាន់
របៀបដែលសេចក្ដីជំនឿដ៏សាមញ្ញនាំឲ្យមានអព្ភូតហេតុដ៏អស្ចារ្យមួយកើតឡើង
មានបុរសម្នាក់រស់នៅសែនឆ្ងាយពីស្រុកស៊ីរី ដែលមានឈ្មោះថា ណាម៉ាន់ ។ គាត់គឺជាមេទ័ពដ៏អស្ចារ្យម្នាក់នៅក្នុងកងទ័ពស៊ីរី ។ ប៉ុន្ដែ ណាម៉ាន់មានជំងឺសើស្បែកដ៏គ្រាំគ្រាមួយ ដែលហៅថារោគឃ្លង់ ។
អ្នកបម្រើរបស់ភរិយាណាម៉ាន់ គឺជាក្មេងស្រីសាសន៍អ៊ីស្រាអែលម្នាក់ ។ កេ្មងស្រីនេះមានសេចក្តីជំនឿលើព្រះអម្ចាស់ ។ នាងបាននិយាយថា ប្រសិនបើណាម៉ាន់អាចទៅជួបនឹងព្យាការីអេលីសេ នោះណាម៉ាន់នឹងបានជាសះស្បើយពីរោគរបស់គាត់ ។
ណាម៉ាន់បានធ្វើដំណើរផ្លូវដ៏ឆ្ងាយ ដើម្បីទៅស្វែងរកអេលីសេ ។ ណាម៉ាន់បានគិតថា គាត់នឹងត្រូវបានព្យាបាលដោយអព្ភូតហេតុដ៏អស្ចារ្យមួយ ។
ណាម៉ាន់បានមកដល់ផ្ទះរបស់អេលីសេជាមួយនឹងអ្នកបម្រើ សេះ និងរទេះរបស់គាត់ ។ អេលីសេបានបញ្ជូនអ្នកបម្រើរបស់លោកឲ្យទៅប្រាប់ណាម៉ាន់អំពីការណែនាំរបស់ព្រះអម្ចាស់ ។ ព្រះអម្ចាស់នឹងព្យាបាលណាម៉ាន់ ប្រសិនបើគាត់បានលាងសម្អាតខ្លួនគាត់នៅក្នុងទន្លេយ័រដាន់ចំនួនប្រាំពីរដង ។
ណាម៉ាន់បានខឹងសម្បារ ពីព្រោះលោកចង់ឲ្យព្យាការីរបស់ព្រះអម្ចាស់ចេញមក ហើយព្យាបាលគាត់ឲ្យជាសះស្បើយភ្លាមៗ ។ ណាម៉ាន់បានរអ៊ូរទាំថា ទន្លេយ័រដាន់មិនស្អាតដូចទឹកទន្លេដ៏អស្ចារ្យនៅស្រុកស៊ីរីឡើយ ។
ប៉ុន្ដែអ្នកបម្រើរបស់ណាម៉ាន់បានសួរថា ហេតុអ្វីបានជាណាម៉ាន់មិនព្រមធ្វើកិច្ចការដ៏សាមញ្ញបែបនោះ ។ ទោះបីជាវាមិនមានន័យចំពោះណាម៉ាន់ក៏ដោយ ប៉ុន្ដែព្យាការីរបស់ព្រះអម្ចាស់បានសូមឲ្យគាត់ធ្វើដូច្នោះ ។
ណាម៉ាន់បានឈប់អួតខ្លួនទៀត ហើយបានស្ដាប់តាមអ្នកបម្រើរបស់គាត់ ។ គាត់បានលាងសម្អាតខ្លួនរបស់គាត់ចំនួនប្រាំពីរដងនៅក្នុងទឹកទន្លេយ័រដាន់ ។ បន្ទាប់មក ព្រះអម្ចាស់បានព្យាបាលណាម៉ាន់ ដូចជាអេលីសេបាននិយាយមែន ។ ណាម៉ាន់បានដឹងថា អេលីសេគឺជាព្យាការី ហើយថាមានព្រះអម្ចាស់ពិតមែន ។