« គ្រួសាររបស់លោកអ័ដាម និងនាងអេវ៉ា » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« គ្រួសាររបស់លោកអ័ដាម និងនាងអេវ៉ា » ដំណើររឿងព្រះគម្ពីរសញ្ញាចាស់
គ្រួសាររបស់លោកអ័ដាម និង នាងអេវ៉ា
ការជ្រើសរើសធ្វើតាមព្រះអម្ចាស់
នៅពេលលោកអ័ដាម និង នាងអេវ៉ាបានចាកចេញពីសួនច្បារអេដែន នោះពួកលោកបានបន្ដរៀនអំពីផែនការរបស់ព្រះវរបិតាសួគ៌ សម្រាប់ពួកលោកនៅលើផែនដី ។ ពួកលោកបានមានកូនជាច្រើន ហើយបានបង្រៀនកូនៗទាំងអស់ថា ពួកលោកបានស្គាល់ព្រះអម្ចាស់ ។ កូនៗមួយចំនួនរបស់លោកអ័ដាម និង នាងអេវ៉ាបានជ្រើសរើសគោរពតាមព្រះអម្ចាស់ ។ ប៉ុន្ដែ ពួកគេមួយចំនួនទៀតបានជ្រើសរើសមិនគោរពតាមទេ ។
គ្រួសាររបស់លោកអ័ដាម និង នាងអេវ៉ាបានរក្សាទុកសៀវភៅរំឭក ។ ពួកលោកបានកត់ត្រាប្រវត្តិគ្រួសាររបស់ពួកលោកនៅក្នុងសៀវភៅនោះ ។ ពួកលោកបានកត់ត្រាពីរបៀបដែលព្រះអម្ចាស់បានជួយដល់ពួកគេ ។
កាអ៊ីន និង អេបិល គឺជាកូនប្រុសរបស់លោកអ័ដាម និង នាងអេវ៉ា ។ អេបិលស្រឡាញ់ព្រះអម្ចាស់ ហើយបានជ្រើសរើសធ្វើតាមទ្រង់ ។ កាអ៊ីនមិនបានគោរពតាមព្រះអម្ចាស់ឡើយ ។ គាត់បានជ្រើសរើសដើម្បីបះបោរ ។
គ្រួសាររបស់លោកអ័ដាម និង នាងអេវ៉ាបន្ដកើនចំនួនច្រើនឡើង ។ មានមនុស្សជាច្រើនទៀតបានកើតមក ។ ពួកគេទាំងអស់មានសេរីភាពក្នុងការជ្រើសរើស ។ នៅពេលនោះ មនុស្សមួយចំនួនបានបះបោរប្រឆាំងនឹងបទបញ្ញត្តិរបស់ព្រះអម្ចាស់ ។ ព្រះអម្ចាស់បានបញ្ជូនព្យាការីជាច្រើនឲ្យទៅបង្រៀនប្រជាជនឲ្យប្រែចិត្ត ។