« អ័ប្រាហាំ និង សារ៉ាយ » ដំណើររឿងព្រះគម្ពីរសញ្ញាចាស់ ( ឆ្នាំ២០២១ )
« អ័ប្រាហាំ និង សារ៉ាយ » ដំណើររឿងព្រះគម្ពីរសញ្ញាចាស់
លោកុប្បត្តិ ១១–១៥; ១៧; អ័ប្រាហាំ ១–២
អ័ប្រាហាំ និង សារ៉ាយ
ការសន្យាមួយដើម្បីផ្ដល់ពរជ័យដល់គ្រួសារមនុស្សលោក
អ័ប្រាហាំបានរស់នៅទីក្រុងអ៊ើរ ។ ពួកសង្ឃទុច្ចរិតនៅទីនោះចង់ធ្វើយញ្ញបូជាលោកដល់ព្រះរបស់ពួកគេ ។ អ័ប្រាហាំបានអធិស្ឋាន ហើយព្រះអម្ចាស់បានសង្គ្រោះលោក ។
បន្ទាប់មក ព្រះអម្ចាស់បានបង្គាប់អ័ប្រាហាំ និងភរិយារបស់លោក ឈ្មោះសារ៉ាយ ឲ្យចាកចេញពីក្រុងអ៊ើរ ហើយធ្វើដំណើរទៅកាន់ដែនដីដ៏ឆ្ងាយមួយ ។ ទ្រង់បានសន្យានឹងប្រទានពរដល់ពួកគេក្នុងការធ្វើដំណើររបស់ពួកគេ ។
លោកុប្បត្តិ ១២:១–៣; អ័ប្រាហាំ ២:២–៤
អ័ប្រាហាំ និងសារ៉ាយបានទុកចិត្តលើព្រះអម្ចាស់ ហើយបានចាកចេញពីក្រុងអ៊ើរ ។ ប៉ុន្តែពួកគេបានមានចិត្តសោកសៅ ដោយសារពួកគេមិនអាចមានកូនបាន ។ ព្រះអម្ចាស់បានលួងលោមចិត្តពួកគេ ។ ទ្រង់បានសន្យាថា ពួកគេនឹងមានកូនម្នាក់ ។
លោកុប្បត្តិ ១១:៣០–៣១; ១៥:១–៦; ១៧:២–១៦; អ័ប្រាហាំ ២:៦–៩
អ័ប្រាហាំបានអធិស្ឋានទៅព្រះអម្ចាស់ ដើម្បីរៀនបន្ថែមទៀតពីទ្រង់ ។ ព្រះអម្ចាស់បានមកជួបអ័ប្រាហាំ ហើយហៅអង្គទ្រង់ថាជាព្រះយេហូវ៉ា ។ ព្រះយេហូវ៉ាបានចុះសេចក្ដីសញ្ញាជាមួយនឹងអ័ប្រាហាំ ។ ទ្រង់បានសន្យាថា អ័ប្រាហាំនឹងមានបព្វជិតភាព ។ ទ្រង់ក៏សន្យាផងដែរថា តាមរយៈគ្រួសាររបស់អ័ប្រាហាំ នោះក្រុមគ្រួសារទាំងអស់នៃផែនដីនឹងមានពរ ។
ពេលអ័ប្រាហាំ និងសារ៉ាយបានធ្វើដំណើរ នោះពួកគេត្រូវស្វែងរកអាហារ ។ ពួកគេបានព្យាយាមរស់នៅក្នុងដែនដីមួយដែលមានឈ្មោះថា កាណាន ។ គ្មានអាហារនៅទីនោះទេ ដូច្នេះពួកគេត្រូវធ្វើដំណើរទៅស្រុកអេស៊ីព្ទ ។ ប៉ុន្ដែការរស់នៅក្នុងស្រុកអេស៊ីព្ទមានគ្រោះថ្នាក់ចំពោះពួកគេ ។
លោកុប្បត្តិ ១២:១០–២០; អ័ប្រាហាំ ២:២១–២៥
អ័ប្រាហាំ និងសារ៉ាយបានចាកចេញពីស្រុកអេស៊ីព្ទ ហើយបានត្រឡប់ទៅរស់នៅក្នុងស្រុកកាណានវិញ ។ ពួកគេបាននាំយកអាហារ និងសត្វមួយចំនួនមកពីស្រុកអេស៊ីព្ទជាមួយនឹងពួកគេ ។ ស្រុកកាណានគឺជាផ្នែកមួយនៃដែនដី ដែលព្រះអម្ចាស់បានសន្យាដល់ពួកគេ ។
លោកុប្បត្តិ ១៣:១–៤, ១២; អ័ប្រាហាំ ២:១៩
ព្រះអម្ចាស់ក៏បានរក្សាការសន្យារបស់ទ្រង់ថា អ័ប្រាហាំនឹងទទួលបានបព្វជិតភាព ។ មានថ្ងៃមួយ អ័ប្រាហាំ និងសារ៉ាយបានជួបនឹងស្ដេចដ៏សុចរិតមួយអង្គដែលមានព្រះនាមថា ម៉ិលគីស្សាដែក ។ អ័ប្រាហាំបានបង់ដង្វាយមួយភាគក្នុងដប់ទៅកាន់ទ្រង់ ។
លោកុប្បត្តិ ១៤:១៨–២៤; អាលម៉ា ១៣:១៥
អ័ប្រាហាំបានទទួលបព្វជិតភាពពីម៉ិលគីស្សាដែក ។ នេះគឺជាបព្វជិតភាពដូចគ្នាដែលព្យាការីអ័ដាម និងណូអេបានទទួល ។
ការបកប្រែដោយ យ៉ូសែប ស្ម៊ីធ, លោកុប្បត្តិ ១៤:៣៦–៤០; អ័ប្រាហាំ ១:២–៤; គោលលទ្ធិ និង សេចក្ដីសញ្ញា ៨៤:១៤
អ័ប្រាហាំ និងសារ៉ាយមានចិត្តរីករាយនៅស្រុកកាណាន ប៉ុន្តែពួកគេនៅតែមានចិត្តបារម្ភ ដោយសារពួកគេគ្មានកូនមួយសោះ ។ ពួកគេត្រូវទុកចិត្តលើការសន្យារបស់ព្រះអម្ចាស់ថា នៅថ្ងៃណាមួយ គ្រួសាររបស់ពួកគេនឹងមានកូនជាច្រើន ហើយប្រទានពរជ័យដល់ផែនដីទាំងមូល ។