« ម៉ូសេ និងពស់លង្ហិន » ដំណើររឿងព្រះគម្ពីរសញ្ញាចាស់ ( ឆ្នាំ២០២២ )
« ម៉ូសេ និងពស់លង្ហិន » ដំណើររឿងព្រះគម្ពីរសញ្ញាចាស់
ម៉ូសេ និងពស់លង្ហិន
ការរៀនមានសេចក្ដីជំនឿលើព្រះអម្ចាស់
ខណៈដែលពួកសាសន៍អ៊ីស្រាអែលធ្វើដំណើរនៅក្នុងទីរហោស្ថាន នោះជាញឹកញាប់ ពួកគេបានភ្លេចព្រះអម្ចាស់ និងបានរអ៊ូរទាំ ។ ព្រះអម្ចាស់បានបញ្ជូនពស់ជាច្រើនមក ដើម្បីជួយពួកគេឲ្យបន្ទាបខ្លួន និងចងចាំដល់ទ្រង់ ។ សត្វពស់ទាំងនោះបានចឹកប្រជាជន ហើយមានមនុស្សជាច្រើនបានស្លាប់ ។
មិនយូរប៉ុន្មាន ប្រជាជនបានប្រែចិត្ត ។ ពួកគេបានសុំឲ្យម៉ូសេអធិស្ឋានទៅព្រះអម្ចាស់ ដើម្បីសូមឲ្យទ្រង់បណ្ដេញពស់ទាំងនោះចេញទៅឲ្យឆ្ងាយ ។ ព្រះអម្ចាស់មិនបានយកពស់ទាំងនោះចេញនោះទេ ។ ប៉ុន្ដែ ទ្រង់បានបង្ហាញរបៀបមួយដើម្បីឲ្យប្រជាជនទទួលបានការសង្គ្រោះ ប្រសិនបើពួកគេត្រូវពស់ចឹកនោះ ។
ព្រះអម្ចាស់បានមានបន្ទូលទៅកាន់ម៉ូសេឲ្យធ្វើរូបពស់មួយពីលង្ហិន ហើយដាក់ភ្ជាប់វានៅលើបង្គោលមួយ ។ នៅពេលប្រជាជនត្រូវពស់ចឹក ហើយមើលទៅរូបពស់លង្ហិន នោះព្រះអម្ចាស់នឹងសង្គ្រោះពួកគេ ។ ព្រះអម្ចាស់បានជួយពួកសាសន៍អ៊ីស្រាអែលឲ្យបន្ទាបខ្លួន និងទុកចិត្តលើទ្រង់ ។