« នាងហាណា » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« នាងហាណា » ដំណើររឿងព្រះគម្ពីរសញ្ញាចាស់
នាងហាណា
ចម្លើយរបស់ព្រះអម្ចាស់ចំពោះស្ដ្រីដ៏ស្មោះត្រង់ម្នាក់
ជារៀងរាល់ឆ្នាំ នាងហាណា និងស្វាមីរបស់នាងបានធ្វើដំណើរទៅកាន់ដំណាក់របស់ព្រះអម្ចាស់ គឺព្រះវិហារបរិសុទ្ធ ។ នាងហាណាគ្មានកូននោះទេ ដូច្នេះនាងមានចិត្តក្រៀមក្រំជាខ្លាំង ។ នាងបានតមអាហារ និងអធិស្ឋានសូមឲ្យមានកូនប្រុសម្នាក់ ។ នាងហាណាបានសន្យានឹងព្រះអម្ចាស់ថា ប្រសិនបើនាងមានកូនប្រុសម្នាក់ នោះពេលកូនប្រុសរបស់នាងធំឡើង កូនប្រុសនោះនឹងមកបម្រើទ្រង់ ។
សង្ឃម្នាក់ដែលមានឈ្មោះថា អេលី បានឃើញនាងហាណាយំ ។ គាត់បានប្រាប់នាងថា ព្រះអម្ចាស់នឹងឆ្លើយតបការអធិស្ឋានរបស់នាង ។ នាងហាណាបានទុកចិត្តលើព្រះអម្ចាស់ ហើយមានសេចក្ដីសង្ឃឹម ។
នៅឆ្នាំនោះ នាងហាណាក៏មានកូនប្រុសម្នាក់ ។ នាងដាក់ឈ្មោះគាត់ថា សាំយូអែល ។
នាងហាណាបានរក្សាពាក្យសន្យារបស់នាងជាមួយនឹងព្រះអម្ចាស់ ។ នៅពេលសាំយូអែលធំល្មម នាងបានយកគាត់ឲ្យទៅបម្រើនៅក្នុងដំណាក់របស់ព្រះអម្ចាស់ ។ គាត់បានបម្រើជាមួយនឹងអេលី ដែលជាសង្ឃ ។ នាងហាណាបានមកលេងសាំយូអែលឥតដាច់ ។ នាងបានយកសម្លៀកបំពាក់ ដែលនាងបានដេរមកឲ្យគាត់ ។ ព្រះអម្ចាស់បានប្រទានពរដល់នាងហាណាឲ្យមានកូនប្រាំនាក់ទៀត ។