« ព្យាការីអេសាយ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ព្យាការីអេសាយ » ដំណើររឿងព្រះគម្ពីរសញ្ញាចាស់
ព្យាការីអេសាយ
ការព្យាករអំពីព្រះអម្ចាស់ព្រះយេស៊ូវគ្រីស្ទ
ពួកសាសន៍អ៊ីស្រាអែលត្រូវបានគេវាយបង្ក្រាបជាច្រើនលើក ហើយពួកគេចង់ឲ្យព្រះអម្ចាស់ការពារពួកគេ ។ ថ្ងៃមួយនៅឯព្រះវិហារបរិសុទ្ធ ព្រះអម្ចាស់បានហៅបុរសម្នាក់ដែលមានឈ្មោះថា អេសាយ ឲ្យបង្រៀនប្រជាជនអំពីការយាងមករបស់ព្រះយេស៊ូវគ្រីស្ទ ។ អេសាយស្រឡាញ់ប្រជាជន និងបានបង្រៀនពួកគេអំពីរបៀប ដែលព្រះគ្រីស្ទអាចសង្គ្រោះពួកគេបាន ។
អេសាយបានដឹងថា ព្រះយេស៊ូវគ្រីស្ទនឹងយាងមកសង្គ្រោះប្រជាជនរបស់ទ្រង់ចេញពីអំពើបាបនៅថ្ងៃណាមួយ ។ ប៉ុន្ដែ មិនមែនមនុស្សគ្រប់គ្នានឹងស្គាល់ទ្រង់ថាជាព្រះអង្គសង្គ្រោះរបស់ពួកគេនោះទេ ។ អេសាយមានចិត្តក្រៀមក្រំជាខ្លាំង ពីព្រោះលោកបានដឹងថា មនុស្សជាច្រើនមិនបានជឿលើព្រះយេស៊ូវគ្រីស្ទឡើយ ។
ប៉ុន្ដែ អេសាយក៏បានព្យាករអំពីការយាងមកជាលើកទីពីររបស់ព្រះយេស៊ូវគ្រីស្ទផងដែរ ។ ព្រះយេស៊ូវគ្រីស្ទនឹងយាងត្រឡប់មកវិញ ហើយធ្វើជាស្ដេចនៃផែនដីនេះទាំងមូល ។ ទ្រង់នឹងយាងមកម្ដងទៀត ហើយបំពេញតាមផែនការរបស់ព្រះវរបិតាទ្រង់ តាមរយៈការនាំមកនូវសេចក្ដីល្អ និងសេចក្ដីសុខសាន្ដជារៀងរហូត ។ អេសាយបាននិយាយថា មនុស្សគ្រប់គ្នានឹងស្គាល់ព្រះយេស៊ូវគ្រីស្ទថាជាព្រះអង្គសង្គ្រោះរបស់ពួកគេ ។