« ម្ចាស់ក្សត្រីអេសធើរ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ម្ចាស់ក្សត្រីអេសធើរ » ដំណើររឿងព្រះគម្ពីរសញ្ញាចាស់
នាងអេសធើរ ២–៥; ៧–៩
ម្ចាស់ក្សត្រីអេសធើរ
ក្លាហាននៅក្នុងគ្រាមានគ្រោះថ្នាក់
សាសន៍អ៊ីស្រាអែលមួយចំនួនត្រូវបានហៅថាសាសន៍យូដា ។ នាងអេសធើរ គឺជាសាសន៍យូដាដែលបានរស់នៅស្រុកពើស៊ី ។ ឪពុកម្តាយរបស់នាងបានស្លាប់ ដូច្នេះជីដូនមួយរបស់នាងឈ្មោះថាម៉ាដេកាយ បានមើលថែនាង ។ នាងត្រូវបានអញ្ជើញឲ្យចូលព្រះរាជវាំងរបស់ស្តេចជាមួយនឹងយុវនារីផ្សេងៗទៀតនៅក្នុងនគរនេះ ។ ស្តេចមានព្រះទ័យចង់បានម្ចាស់ក្សត្រីថ្មីមួយអង្គ ហើយទ្រង់បានជ្រើសរើសនាងអេសធើរ ។
ស្តេចមានបាវបម្រើម្នាក់មានឈ្មោះថា ហាម៉ាន ដែលមានអំណាចយ៉ាងខ្លាំង ។ ហាម៉ាន បានជួយស្តេចគ្រប់គ្រងទឹកដី ។ ស្តេចឲ្យមនុស្សគ្រប់គ្នាក្រាបគោរព ហាម៉ាន ។
ប៉ុន្តែ ម៉ាដេកាយនឹងមិនក្រាបគោរពហាម៉ានឡើយ ។ ម៉ាដេកាយ ក្រាបថ្វាយបង្គំតែព្រះអម្ចាស់ប៉ុណ្ណោះ ។ ការណ៍នេះធ្វើឲ្យ ហាម៉ាន ខឹងយ៉ាងខ្លាំង ។ គាត់ចង់ដាស់ទោស ម៉ាដេកាយ និងពួកសាសន៍យូដាទាំងអស់ ។
ហាម៉ាន បានទូលទៅស្តេចថាសាសន៍យូដា មិនបានគោរពតាមច្បាប់របស់ស្តេចឡើយ ។ ដូច្នេះសេ្តចបានឲ្យហាម៉ាន បង្កើតច្បាប់ថ្មីមួយថា នៅថ្ងៃជាក់លាក់មួយ សាសន៍យូដាទាំងអស់នឹងត្រូវស្លាប់ ។
ម៉ាដេកាយ បានទូលឲ្យព្រះនាងអេសធើរទូលទៅព្រះរាជា ។ ព្រះរាជាគួរតែផ្លាស់ប្តូរច្បាប់របស់ហាម៉ាន និងសង្រ្គោះសាសន៍យូដា ។ ប៉ុន្តែព្រះនាងអេសធើរបានភ័យខ្លាច ។ នៅពេលខ្លះ ស្តេចបានសម្លាប់មនុស្សដែលចូលមកទូលស្តេចដោយគ្មានការកោះហៅ ។
ម៉ាដេកាយ បានទូលឲ្យព្រះនាងអេសធើរ ព្រះដំរិះអំពីសាសន៍យូដាដែលនឹងត្រូវស្លាប់ ។ ម៉ាដេកាយ បាននិយាយថា ព្រះអម្ចាស់ប្រហែលជាដាក់ព្រះនាងអេសធើរឲ្យចូលក្នុងវាំងស្តេចដើម្បីសង្រ្គោះដល់សាសន៍យូដា ក៏ថាបាន ។
ព្រះនាងអេសធើរ ជ្រាបដឹងថា ទ្រង់ត្រូវតែទូលទៅស្តេច ទោះបីជាព្រះនាងត្រូវសុគតក្តី ។ ព្រះនាងអេសធើរ បានសូមឲ្យសាសន៍យូដា និងបាវបម្រើរបស់ទ្រង់ទាំងអស់ឲ្យតមអាហារជាមួយទ្រង់ ។
បន្ទាប់ពីបានតមអាហារអស់បីថ្ងៃ ព្រះនាងអេសធើរ បានរៀបចំព្រះអង្គទ្រង់ ហើយបានយាងទៅគាល់ស្តេច ។
នៅពេលព្រះនាងចូលទៅគាល់ស្តេច ទ្រង់បានលើកព្រះដំបងទ្រង់ឡើង ។ នេះមានន័យថា ស្តេចសប្បាយព្រះទ័យដែលទតឃើញព្រះនាង ហើយនឹងមិនធ្វើគុតព្រះនាងឡើយ ។ ទ្រង់បានទូលសួរថាតើព្រះនាងចង់បានអ្វី ។ ព្រះនាងអេសធើរ បានទូលទៅស្តេចថាប្រជានុរាស្រ្តរបស់ព្រះនាងកំពុងស្ថិតក្នុងគ្រោះថ្នាក់ ។ ពីព្រោះតែច្បាប់របស់ហាម៉ាន ព្រះនាង និងសាសន៍យូដាទាំងអស់នៅក្នុងនគរនេះនឹងត្រូវស្លាប់ ។
ស្តេចបានព្រះពិរោធជាមួយហាម៉ាន់ ហើយបានសម្លាប់គាត់ ។ ស្តេចបានបង្កើតច្បាប់ថ្មីដែលបានការពារដល់សាសន៍យូដា ។ ឥឡូវនេះពួកគេត្រូវបានអនុញ្ញាតឲ្យការពារខ្លួនឯង ប្រសិនបើមាននរណាម្នាក់ព្យាយាមធ្វើបាបពួកគេ ។
សេចក្តីជំនឿរបស់ព្រះនាងអេសធើរលើព្រះអម្ចាស់ និងសេចក្តីក្លាហានរបស់ព្រះនាងដើម្បីគាល់ស្តេចបានសង្រ្គោះប្រជានុរាស្រ្តរបស់ព្រះនាង ។ ជំនួសឲ្យសេចក្តីស្លាប់ និងទុក្ខព្រួយ បែរជាមានពិធីជប់លៀងវិញ ។ ពួកសាសន៍យូដាបានជប់លៀងអបអរសាទរ ។