« ហាការ » ដំណើររឿងព្រះគម្ពីរសញ្ញាចាស់ ( ឆ្នាំ ២០២២ )
« ហាការ » ដំណើររឿងព្រះគម្ពីរសញ្ញាចាស់
ហាការ
ផែនការរបស់ព្រះអម្ចាស់សម្រាប់បុត្រីរបស់ទ្រង់
ហាការគឺជាអ្នកបម្រើរបស់សារ៉ាយ ។ សារ៉ាយមានវ័យចំណាស់ ហើយគ្មានកូនទេ ។ នាងបានប្រាប់ទៅប្ដីរបស់នាង អ័ប្រាហាំ ឲ្យរៀបការនឹងហាការ ដើម្បីពួកគេអាចមានកូន ។ អ័ប្រាហាំ និងហាការបានរៀបការ ហើយមិនយូរប៉ុន្មាន ហាការក៏មានកូន ។
ហាការ និងសារ៉ាយបានចាប់ផ្ដើមលែងត្រូវគ្នា ។ ហាការបានជ្រើសរើសរត់ចេញទៅវាលខ្សាច់ ។
នៅពេលហាការធ្វើដំណើរ នាងបានអស់កម្លាំង និងស្រេកទឹកយ៉ាងខ្លាំង ។ នៅទីបំផុត នាងបានមកដល់កន្លែងមួយដែលមានទឹក ហើយបានសម្រាកនៅទីនោះ ។
ព្រះអម្ចាស់បានជ្រាបពីបញ្ហារបស់ហាការ ហើយមានផែនការមួយដើម្បីជួយដល់នាង ។ ទ្រង់បានបញ្ជូនទេវតាមួយអង្គ ឲ្យទៅសុំនាងត្រឡប់ទៅរកអ័ប្រាហាំ និងសារ៉ាយវិញ ។ ទ្រង់បានសន្យាថា គ្រួសាររបស់ហាការនឹងកើនចំនួនឡើង ។ ទ្រង់បានមានបន្ទូលថា នាងនឹងមានកូនប្រុសម្នាក់ ហើយថានាងគួរតែដាក់ឈ្មោះគាត់ថា អ៊ីសម៉ាអែល ។
ហាការបានទុកចិត្តលើព្រះអម្ចាស់ ហើយបានគោរពតាមទេវតា ។ នាងបានត្រឡប់ទៅរកអ័ប្រាហាំ និងសារ៉ាយវិញ ។ ហាការបានបង្កើតកូនប្រុសរបស់នាង ហើយដាក់ឈ្មោះថា អ៊ីសម៉ាអែល ។ ហាការបានដឹងថា ព្រះអម្ចាស់តាមថែរក្សានាង ។