Kabatan-onan
Gilitratohan ni Leslie Nilsson
Usa ako ka kinabig sa Simbahan. Usa sa mga butang nga unang nakapadani kanako mao ang mga kalihokan sa kabatan-onan. Bisan karon ganahan gihapon kong mogahin og panahon uban sa mga higala sa Simbahan kinsa adunay maayo, makabayaw nga matang sa kalingawan. Labi na akong ganahan nga moadto sa Suva Fiji Temple uban kanila matag semana.
Sa Fiji daghan kaayo ang pagpamugos sa kaedad. Ang mga tindahan dili kanunay mangayo og ID kon mopalit og ilimnong makahubog, sigarilyo, ug ingon nianang mga butang. Ang mga bata mamalit niini bisan kanus-a. Mahimong lisud ang pagpili sa matarung.
Usa sa mga butang nga nakapabilin kanako nga lig-on mao ang akong mga manghud. Ako ang kinamagulangan, mao nga maghunahuna ko nila sa matag higayon nga matintal ko sa paghimo og sayop. Dili ko gusto nga mohimo sila og bisan unsang ngil-ad nga mga desisyon tungod kay nakakita na sila nako nga naghimo niini. Sa wala pa mamatay ang akong mama, gipasaad ko niya nga atimanon ang akong mga igsoon ug kanunay maanaa alang nila.
Sa pagkakaron ako lamang ang miyembro sa Simbahan sa tanan namong managsoon. Apan nag-ampo ako alang kanila matag adlaw. Nagpasalamat ko sa Langitnong Amahan sa paghatag kanila og laing adlaw nga magpakabuhi, ug nag-ampo ko nga makadawat sila og kahibalo sa Iyang ebanghelyo. Sila ang nagpalig-on kanako.
Mikayla J., edad 17, Fiji