Ang Kinatibuk-ang Komperensya paglabay sa Katuigan
Karon anaa na sa ika-190 nga tuig niini, ang kinatibuk-ang komperensya usa ka dugay na nga tradisyon matag Abril ug Oktubre, apan adunay pipila ka makapaikag nga mga kausaban paglabay sa katuigan:
-
1830
Duha ka bulan human maorganisar ang Simbahan, si Joseph Smith midumala sa unang kinatibuk-ang komperensya sa Fayette, New York. Mga 30 ka miyembro ug uban pa ang mitambong.
-
1850
Ang Deseret News mimantala sa unang kompleto nga report sa komperensya tungod kay ang usa ka batan-ong reporter, si George D. Watt, nakahimo sa pagsulat sa mga pakigpulong pinaagi sa esteno [shorthand].
-
1867
Ang kinatibuk-ang komperensya milungtad og upat ka adlaw imbis sa kasagarang tulo tungod kay ang kongregasyon mibotar nga magpabilin og dugang usa ka adlaw.
-
1924
Ang mga mikropono unang gigamit diha sa pulpito sa Tabernacle. Kaniadto, ang mga mamumulong magsalig sa gikusgon sa ilang mga tingog aron madungog.
-
1949
Migamit og mga kamera diha sa Tabernacle, ang komperensya unang gisibya sa telebisyon.
-
1962
Ang mga pakigpulong gihubad ngadto sa ubang mga pinulongan—German, Dutch, ug Spanish—sa unang higayon diha sa Tabernacle. Karon ang mga pakigpulong gihubad sa sobra 90 ka mga pinulongan!
-
1967
Ang kinatibuk-ang komperensya gisibya sa TV nga dunay kolor. Ang mga lalaki sa Tabernacle Choir misul-ob og light blue nga mga jacket, ug ang mga babaye misul-ob og may pagka-pink nga mga blouse.
-
1977
Giusab gikan sa tulo ka adlaw ug unom ka kinatibuk-ang sesyon, ang komperensya milungtad og duha ka adlaw ug naglakip og lima ka kinatibuk-ang sesyon.
-
2000
Ang bag-ong Conference Center sa Siyudad sa Salt Lake, nga kalingkuran og 21,000 ka tawo, mipahigayon sa unang kinatibuk-ang komperensya niini.
Paghulagway sa podium pinaagi ni David Green; Litrato sa telebisyon gikan sa Getty Images