Pagpalambo sa Atong Kasinatian sa Templo
“Ang labing importanting bahin sa Pagpahiuli mao ang balaan nga templo. Ang sagradong mga ordinansa ug mga pakigsaad niini importante kaayo sa pag-andam og katawhan nga andam sa pagsugat sa Manluluwas sa Iyang Ikaduhang Pag-anhi.”1
Matag karon ug unya, ang Unang Kapangulohan mohimo og mga kausaban sa mga seremonya sa templo ug mga pamaagi aron sa pagpalambo sa kasinatian sa mga miyembro diha sa templo ug sa pagtabang sa tanan nga mosulod nga mobati og mas suod nga koneksyon ngadto sa Dios sulod niining sagrado nga mga dapit.
Isip kabahin sa kasinatian sa templo, ang mga miyembro mosul-ob og pang-seremonya nga sinina nga adunay doktrina ug simbolikanhon nga kahulugan nga masubay og balik ngadto sa pagsimba sa templo sa Daang Tugon (tan-awa sa Levitico 8 ug Exodo 28).
Adunay pipila ka kausaban nga gihimo sa pang-seremonya nga sinina sa templo. Kini nga mga kausaban wala magpakita og mga kausaban sa simbolismo o doktrina sa templo apan gituyo aron sa paghimo sa kasinatian sa templo nga mas yano, komportable, ug daling mabuhat pinaagi sa paghimo sa sinina nga sayon isul-ob, sayon atimanon, ug dili mahal.
Ang pipila niini nga mga kausaban naglakip sa:
-
Yano nga desinyo sa belo ug kupo.
-
Pagtangtang sa plastik nga gisukip gikan sa kalo ug sa higot gikan sa kalo ug belo.
-
Paggamit og mas lig-on nga materyal nga sama sa mga kupo, kalo, ug laso, nga makatabang niini nga molungtad og dugay ug naghimo niini nga mas sayon atimanon.
Hinaut nga kini nga mga kausaban makatabang sa pagpalambo niining sagrado nga kasinatian alang kaninyo samtang himoon ninyo ang pagsimba sa templo nga usa ka regular nga bahin sa inyong kinabuhi.