Dali, Sunod Kanako: Basahon ni Mormon
Unsay Gipasabut nga Mahisulat ang Ngalan ni Kristo diha sa Atong Kasingkasing?
Abril 20–26 Mosiah 4–6
Sa Basahon ni Mormon, ang mga tawo gitawag sa daghang mga ngalan—mga Nephite, mga Lamanite, ug mga Anti-Nephi-Lehi mao lamang ang pipila. Apan si Haring Benjamin nagtinguha nga ang iyang katawhan pagatawgon sa mas taas, mas balaan nga ngalan—ang ngalan ni Jesukristo.
Ania ang paagi kon unsaon nato nga magpabilin ang ngalan sa Manluluwas nga “nahisulat kanunay sa [atong] mga kasingkasing” (Mosiah 5:12):
Makigsaad pinaagi sa Bunyag
Atol sa bunyag, nakigsaad kita sa Dios nga dad-on ngari kanato ang ngalan ni Kristo. Unsa kaha ang gipaabut niana? (Tan-awa sa Mosiah 18:8–9.)
Moambit sa Sakramento
Gisugo kita nga takus nga moambit sa sakramento matag semana. Atol sa sakramento, mopasalig kita pag-usab sa atong pakigsaad sa pagdala diha sa atong kaugalingon sa ngalan ni Jesukristo (tan-awa sa Moroni 4:3).
Molihok isip usa ka Disipulo ni Jesukristo
Ang atong mga pakigsaad nagkinahanglan kanato sa pagsunod sa mga sugo. Ang atong mga lihok kinahanglang mopakita sa atong tinguha nga mosunod ni Kristo ug mahimong sama Kaniya. Sa pagbuhat niini, mahimo kitang padayon nga tawagon pinaagi sa Iyang ngalan. Kini ang paagi nga kita mahinumdom sa ngalan ni Kristo nga nahisulat diha sa atong kasingkasing (tan-awa sa Mosiah 5:12).