Ang Templo ug Ikaw
Sa wala pa napahiuli ang Simbahan, ang mga tawo nagtuo nga kon ang usa ka tawo sa ilang pamilya mamatay nga wala mabunyagi, dili na gayud sila makakita kaniya pag-usab. Apan tungod sa Pagpahiuli, mahimo kitang bunyagan alang kanila diha sa templo. Mahimo kitang masilyo nga mag-uban sa kahangturan!
Sama ni Joseph Smith, gipili ka usab sa Langitnong Amahan sa paghimo og importante nga buhat sa imong kinabuhi. Ang pipila niana nga buhat pagahimoon sa mga templo. Mahimo nimong kuhaon ang mga ngalan sa imong katigulangan kinsa wala mabunyagi sa dihang nagpuyo pa sila dinhi sa yuta. Dayon, human ka makadawat og rekomend sa templo, mahimo ka nga moadto sa templo ug magpabunyag alang kanila.
Samtang imong himoon kini nga buhat, pag-ampo sa Langitnong Amahan nga giyahan ka. Ang imong katigulangan makatabang usab kanimo. Pagkaimportante ug sagradong panalangin kini alang kanimo ug alang kanila!
Ang uban tingali dili makahimo sa buhat sa templo karon, apan mabuhat nimo kini sa umaabut. Hinumdumi kanunay nga ikaw anak sa Dios. Nahigugma Siya kanimo sa hingpit.
Paminaw sa mga pag-aghat sa Espiritu Santo ug pangandam nga moadto sa templo sa umaabut. Ang pagbuhat niini makatabang kanimo sa pag-ugmad og usa ka talagsaon nga kinabuhi sa imong kaugalingon ug alang sa imong mga pamilya kaniadto, karon, ug sa umaabut. Samtang buhaton nimo ang buhat sa Ginoo, motabang Siya kanimo. Ikaw usa sa Iyang labing maisugon nga mga espiritu. ●
Paghulagway pinaagi ni Jared Matthews