Mga Pangutana & Mga Tubag
Unsa ang imong isulti kon ang imong mga higala dili motuo nga ang Unang Panan-awon mahimong mahitabo?
Pagpalambo og Pagtuo
Sa espirituhanon nga mga pangutana, dili lamang pangatarungan ang atong gikinahanglan; nagkinahanglan usab kita og pagtuo aron masayud nga ang Unang Panan-awon tinuod nga nahitabo. Makapalambo kita niana nga pagtuo pinaagi sa pagpangutana sa Langitnong Amahan ug sa pagpaminaw sa Espiritu.
Julia B., edad 17, California, USA
Pagtuon sa Biblia
Hangyoa ang imong mga higala sa pagtuon sa Biblia. Kon motuo sila niini isip pulong sa Dios, nan angay silang motuo nga ang Dios mamulong kanato karon pinaagi sa mga panan-awon sama sa Unang Panan-awon tungod kay mibuhat Siya niini kang Adan, Moises, Isaias, ug ubang mga propeta sa lain-laing mga paagi.
Elder Muanda, edad 22, Kenya Nairobi Mission
Pangayo sa Dios
Ang kamatuoran nga ang apostasiya milungtad og gatusan ka tuig wala magpasabut nga ang Dios mihunong sa Iyang mga panan-awon. Nagkinahanglan kita og mapaubsanon nga kasingkasing ug mangutana sa Dios uban sa tinuod nga katuyoan ug sinsero nga kasingkasing, sama sa gibuhat ni Joseph Smith.
Jeremi E., edad 19, Kinshasa, Democratic Republic of the Congo
Tuo sa Dios
Akong pangutan-on ang akong mga higala, “Nagatuo ba mo sa Dios? Nagtuo ba mo nga Siya ang milalang sa tanang butang? Nagtuo ba mo nga mipakita Siya sa mga propeta sa karaang panahon? Ug kon nagtuo mo, nganong dili man mo motuo nga mahimo kini karon? Posible kini.”
Sarah M., edad 16, Utah, USA
Ipaambit ang Imong Pagpamatuod
Mopaambit ko sa akong pagpamatuod sa akong mga higala nga ang atong Langitnong Amahan mopadayag sa mga butang ngadto sa Iyang mga anak kon sila mohangyo Kaniya sa kinasingkasing nga masayud sa kamatuoran. Si Joseph Smith adunay tinguha nga masayud sa kamatuoran, ug siya milihok sumala sa iyang pagtuo. Makatagamtam usab kamo og talagsaong kasinatian kon kamo mangayo sa Langitnong Amahan pinaagi sa pag-ampo sa tibuok ninyong kasingkasing.
Mara C., edad 20, Lima, Peru
Litrato gikan sa Getty Images