200 ka Tuig nga Kahayag
Sa usa ka matahum, maayo nga adlaw 200 ka tuig na ang milabay, usa ka batan-ong lalaki misulod sa kakahoyan sa tuyo nga mangayo og kapasayloan ug mag-ampo kon asa nga simbahan siya magpasakop. Gikan sa usa ka milagroso nga panan-awon, iyang nahibaloan nga dili siya angay nga magpasakop sa bisan hain niini. Mao kana ang mitimaan sa sinugdanan sa Pagpahiuli sa ebanghelyo ni Jesukristo—usa ka proseso nga nagpadayon sa atong panahon.
Niini nga isyu, nagsaulog kita og 200 ka tuig nga kahayag:
-
Si Presidente Russell M. Nelson nagtudlo kon sa unsang paagi ang pagpundok sa Israel sa duha ka habig sa tabil makaandam kanato ug sa uban alang sa Ikaduhang Pag-anhi sa Ginoo (pahina 6).
-
Si Elder LeGrand R. Curtis Jr. nagpakita kon sa unsang paagi ang mga Santos sa Ulahing mga Adlaw nakatampo sa nagpadayon nga Pagpahiuli—ug sa unsang paagi ang matag usa kanato makatampo (pahina 18).
-
Alang sa kabatan-onan, si Elder Neil L. Andersen nagpaambit og lima ka kamatuoran nga atong makat-unan gikan sa Unang Panan-awon (pahina 52).
Samtang magkat-on kita gikan sa mga pulong sa atong propeta ug sa mga istorya sa matinud-anong mga Santos, hinaut makat-on kita sa samang kahibalo nga nahibaloan ni Propeta Joseph Smith 200 ka tuig na ang milabay: nga ang Langitnong Amahan ug si Jesukristo tinuod, buhi nga mga binuhat kinsa nahigugma kanato. Ug ipaambit nato kana nga kahibalo ngadto sa atong mga higala ug mga silingan.
Matinuoron,
Elder Randy D. Funk sa Seventy
Editor sa mga Magasin sa Simbahan