Histori nga Shkrimet e Shenjta
Udhëtimet Misionare të Palit
Pasi Jezusi u ringjall, Apostulli Pal udhëtoi në vende të ndryshme për t’u dhënë mësim njerëzve për Jezusin. Në atë kohë nuk kishte makina ose aeroplanë ndaj ai eci shumë. Ndonjëherë udhëtoi me anije.
Pali u dha mësim njerëzve në kisha dhe shtëpi. Ai u dha mësim njerëzve mbi kodrat shkëmbore dhe rrugëve të qytetit.
Shumë njerëzve nuk iu pëlqeu ajo që u mësoi Pali. Ndonjëherë Palin e futnin në burg. Ndonjëherë Pali sëmurej.
Por gjatë gjithë këtyre gjërave të vështira, Pali kishte besim. Ai tha: “Unë mund të bëj gjithçka me anë të Krishtit që më forcon”. Ai e dinte se Jezusi do ta ndihmonte atë që të ishte i fortë.
Jezu Krishti mund të më ndihmojë edhe mua që të jem i/e fortë. Ai më do dhe unë e dua Atë!