I takakaro n te nete, ni biri n te kabobirimwaaka, ao ni kabatiaa te wareware. Ngkana arona bwa I kona ni kabanea te bong n akea te bwai ae I karaoia, N na bae n nako aon te bike.
I bungiaki i Chicago, Illinois, ma I roko i Nauvoo ngke I mena n te tabo are a tararuaki iai ataei. I aki bati n uringnga aron maiu n menau n te tabo n tararua, ma I uringnga bwa I aki mano iai. Ngke I a roko inanon te tabo n tararua, I a namakina bwa I mano. I tangiria ni karekea te euangkerio. Tabeman raoraou a katukaki n taabo aika a kakamaaku ibukina bwa a aki kawakin ara kainibaire. I ataia bwa kawakinan tuua a na teimatoa ni kamanoai.
Bon te namakin ae nakoraoi reken au utu. E roko tinau n te buritikuu are I nanako iai ibukina bwa e ibuobuoki n onoonomwi. E takakaro ma ngai, ao e tuangnga temanna te tia reirei bwa e kan kairai nakon mweengana ibukina bwa te ataei ngai ae I tikiraoi. E taku te tia reirei, “E a tauraoi n tabekaki, ngaia ko kona ni kairia nakon mweengam!” E titiraki aron waakin te tabetabe ao e a tabekai ma uoman tariu. E nakoraoi ibukina ngkai I ataia bwa aekakira aron ae akea am utu, ao anne ae e a rangi n onoti riki iai reken am utu.