Bon Ana Ekaretia
Iroun Unimwaane Taniela B. Wakolo
Man te Itingaun
“Ko na katoka iaom aran Kristo, are bon arau” (3 Nibwai 27:5).
I bungiaki i Biti. Bon tiaki kaain te Ekaretia au karo, ma a nanakon te aro teuana.
Ngke I a ikawai, I mare ma kainabau, Anita. Bon kaain ana Ekaretia Iesu Kristo Ibukiia Aika Itiaki ni Boong aika Kaitira. E aki toki ni kaoia mitinare nakoiu.
N te bongina I a tuangiia bwa ana roko ni katairiki ma ngaira inanon teniua te tairiki. I tuangiia bwa ana bon ti kabongana te baibara ni kaekai au titiraki. A rangi n raraoi aia kaeka. N aia kateniua n tairiki, a titirakinai te titiraki.
“Ngkana tao iai am titoa ibukin te amwarake, tera arana ae ko na aranna iai?”
“N a arana bwa Ana Titoa Ana Utu Wakolo ibukina bwa are bon au titoa,” I kaeka.
“Ao tera aran te ekaretia ae e na aranaki iai?” a titiraki.
Bon te titiraki ae tamaroa. Ao I ata te reke ma nanou ao tamneiu. Te Ekaretia ae koaua e na aranaki n aran Iesu ibukina bwa bon Ana Ekaretia. Ao Ana Ekaretia Iesu Kristo Ibukiia Aika Itiaki Ni Boong aika Kaitira e bon aranaki n Arana!
Iai riki au titiraki: “N ningai ae N na bwabetitoaki iai?” Teuana te wiiki imwiina, I a bwabetitoaki .
Ngke I bwabetitoaki , I katoka aran Iesu Kristo iaou. Are nanona bwa ai ngai kaain Ana Ekaretia ao I beria bwa N a iriria. I kabanea au kona ni katoa bong ni maiu n ai Arona. I ataia bwa aio bon ana Ekaretia Iesu Kristo ae koaua.