Te Tokanikai Iaon te Bwarannano

Iroun Waaki n Ibuobuoki n te Riki n Toronibwai

Aomata a bane ni bwarannano, ma raraoma aika tiku ni maan iaon taekan te konaaki e aki ti katoka am waaki ma a buakaka naba ibukin marurungin am iango.

Karaki #1: Ti bane ni kaantaningaaki bwa ti na kukurei n tainako.

Karaki #2: Ti na bon aki kona ni karekea ae ti kainnanoia bwa ti na kukurei iai, ngaia bukin tera ti kataia?

Mwiin karaki aika uoua aikai e bon kabwaranano—te namakin are ti karekea ngkana ti aki kakoroa nanon kaantaninga aika ti a tia ni katei ibukira, ke ngkana bon akea ara kaantaninga aika ti a tia ni katei i bon ibukira, ke ngke bon akea ara kaantaninga ao n tii butimwaea arora ae ngkai. Te bwaka e roko n tainako imwain te bwarannano, bwa ti namakinna ae kanga ti na bwaka n tainako, are ti aki kona ni karaoa ae ti kantaningaia i bon iroura, ke are ti karaoa ara kabanea n tamaroa ao e aki reke are ti kaantaningaia.

Ma te bwarannano bon iteran te maiu, ao e kona n rangin ni uaana ngkana ti reirei aron te mwakuri rinanona. Ngaia ae aikai 10 kaetieti n aron bitakin am bwarannano nakon te waaki nako:

Butimwaea te bwaka ao anaia bwa tabem. Eng iai taai ike aki koro nanon ake ti kantaningai ao akea te bwai ae ti kona ni karaoia ni bitia, ma n angiin te tai, ti kona ni karaoa te bwai teuana ae kaokoro. Ukoukoria n reirei man kabwakam.
Tataroakinna. Te tataro, e aki riai ibukin bwaai ni kabane bwa a na nakoraoi bwa ko aonga ni manga marurung, ma ko na ota iai, ni kakaea te reirei, ao ni kakaea te katei ae tamaroa bwa ko aonga ni waaki nako.
Katoka te-Kaangaanga. Te raraoma e aki karekea are e kantanigaaki. Kataia ni bita am iango man mwakorona are ibukin te namakin nakon mwakorona are e iango te aba iai—bwa ko aonga ni kona ni karekei baike a na ibuobuoki ni karaoan te babaire.
Tataro riki. N te tai are e a reke am babaire ae raoiroi ae na buokiko n tokanikai iaon te bwarannano, tataro ibukin kamatoaan ae bon te babaire ae tamaroa am babaire. E na buokiko te Uea ni kanakoko riaon te kabwaka are e karika te bwarannano n te moan n tai.
Karaoa ae ko kona. Ngkana ko a tia ni kabua am mwakuri, mwakuri nakon mwaitin naba te aoa ni katoa bong ni kakaea te mwakuri ae boou n aron are ko na tia ni karaoia n am mwakuri ni kawai. Ngkana te kaangaanga bwa te reitaki, kataia ni karekea te raoi. Bwa tera are ko a tia n tokanikai iaona—riki ngkana e na kabwaraa nanom te bure—mwakuri iaon bitakin ao kakoroan nanon kouru aika uarereke.
Karaoia n teuana te bong imwiin teuana. E ngae ngke kouru ake mwakoron am babaire a riai ni uarereke ao e riai ni kairiko nakon te kawai ae eti.
Kabongana am reitaki n ibuobuoki. Raao ao utu bon bwaai n ibuobuoki aika moan te korakora. Kariaia bwa a na ataa am kaangaanga n ae aki rangin n taraa ni buakaka. Raao ni koaua a na kakauongo ao n ibuobuoki. N tabetai te aomata ae ongora nakoim e kona ni buokiko n am kaangaanga.
Bubuti ibukin ana kakabwaia te nakoanibonga. Akea tokin mwaitin kakabwaia n te nakoanibonga ae ko kona ni karekei. Ngkana ko kainnanoa teuana, bubuti ibukin teuana.
Teimatoa ma te taotaonaki n nano. N tabetai e na anaa teutana te tai ibukin taai aika matoatoa bwa a na toki.
Wareki am bwai. Koroi bwaai ni kabane aika ko kakaitau ibukiia. Kokoroi ni katoa bong ao n ataia bwa n tokina, e tataninga te kukurei ibukira ni kabane.

Eng, e matoatoa te maiu. E matoatoa ibukira ni kabane. E ngae n anne, e rikirake ara onimaki ngkana ti mwakuriia katakira n te kawai ae ibuobuoki. Ti na kona n namakina riki ana tangira te Atua ibukira ibukina bwa ti waaki nako, ni karaoa ara kabanea n tamaroa, ao ni bubuti ibukin Ana ibuobuoki.