Ti Na Kanga ni Kamatoaia Ara Taan Kairiiri?
N te bong ae kananokawaki imwiin te urarake n te buakonikai ae e urua aon te kawa i Sonoma County California n Okitobwa 2017, Unimwaane Ronald A. Rasband man te Kooram n Abotoro n te Tengaun ma Uoman e mwananga nakon tabo ake a rootaki n te kaomwuniti n raoniia Aika Itiaki ni Boong aika Kaitira.
E mwananga ni karaoa te mwakuri n ibuobuoki. Ngaia ma Titita Melanie Rasband ni karau nanoia membwa ake a rangi ni kainnano mai imwiin te bue inanon taboo ni bootaki ao irarikin mweengaia are e a maenako mai imwiin te urarake.
Ao n te tabo are e nako iai, a bane ni kawaria membwa ao ni kamauria. Bon kaotakin ae a rangi ni karabwarabwa. A kaitaua te Abotoro ibukin ana boutoka. Ma ni kabane ake a iobai a kaota te namakin ae taabangaki: “I boutokaiko.”
Te Mwakuri n Onimaki
Te kamatoa bon te mwakuri ae tabu are e reitiia kaain te Ekaretia ma aia tia kairiiri n te Ekaretia, e taku Unimwaane Gary E. Stevenson. Ngkai e a riaon 16 te mirion kaain Ana Ekaretia Iesu Kristo Ibukiia Aika Itiaki ni Boong aika Kaitira, ni bon arona a karako kaain te Ekaretia ae e na reke aia tai n taetae temanna nakon temanna ma te Abotoro ke ni kamauri ma te Abotoro. Ma ni kabane kaain te aro e reke aia tai n reitaki i bon imarenaia ma tekoraki aikai ao taan Kairirii n te Ekaretia riki tabeman rinanon aia kamatoa ni kateibai teuanne ke neiene ao n aia mwakuri ni boutoka, e taku Beretitenti M. Russell Ballard, te Bonomwi ni Beretitenti nakon te Kooram n Abotoro n te Tengaun ma Uoman.
“Ti kamatoa ni baira ake ti katei ma ti kamatoa naba ma nanora ao ara mwakuri,” e taku Elder Gerrit W. Gong. “Ti kamatoaia taan kairiiri n te Ekaretia n aron naba are ti karaoia ni kamatoaira i bon imarenara. Ti ataia bwa ti kamatoaki inanon te berita.”
Te tataro ibukiia Abotoro e tiku bwa waakin te kamatoa ae akea boona, e taku Unimwaane Ulisses Soares. “Bon aomata ngaira ni kangai, ao e a tia ni weteira te Uea nakon te bwai ae e riaon ara konabwai. Ma ti namakina bwa ti kona n roota are iaona ibukina bwa a tataro aomata ibukira.”
Te onimaki e roko imwain ao e rimwi imwiin te kamatoa, e reitia Unimwaane Soares. “Man kamatoaia Abotoro, ko buoka te tia Kamaiu ni kakoroa bukin Ana mwakuri. Am onimaki e buoka te Uea ni katiai baike E tua rinanoia Ana burabeti ao taan kaotioti.”
“I tangira tamnein te kateibai nakon te tikuea ao tera are e nanonaki iai,” e taku Unimwaane Jeffrey R. Holland. Irouia Abotoro, karaoan te kateibai ibukiia irouia kaain te Ekaretia bon aekakin raoi karekean te amwarake n te maiu, e reitia. “Nanoia aomata e warekaki ao naake a kan anga baia n ibuobuoki ana butimwaeaki. Akea ae e na ti beku n tii ngaia n te Ekaretia, bwa tao tera nakoara.”
Te Waaki ae e a Kaman Kabonganaaki
Kamatoakiia Abotoro bon te waaki ni bong aikai are e karaoaki mai imwaina n tain kaokan Ana euangkerio Iesu Kristo. Ni moan tein te Ekaretia, kaain te Aro rimoa a kaoaki bwa ana anga aia kariaia ibukin wetean te tia kairiiri n te Ekaretia ao ni kamatoaia ni weteaia.
N Eberi 6, 1830, Iotebwa Timiti ao taan iriria ake a tibwa bwabetitoaki a bootaki inanon te auti ae uarereke ae ana auti Peter Whitmer, Teikawai, i Fayette, Seneca County, New York.
E tei Iotebwa ao n titirakiniia nake a ira buakon te waaki ngkana a tangira katean Ana Ekaretia Iesu Kristo Ibukiia Aika Itiaki ni Boong aika Kaitira.
Ni ira nanon te reirei iaon te boutoka ae taabangaki, kaain te aro ake a boou a katei baia ao n anga aia boutoka ae bwanin. Imwiina a bane ni bonanoia bwa ana butimwaea Iotebwa Timiti ao Oriwa Kautere bwa aia tia reirei ao taan kairiri nakon maiun tamneia.
“Kainakin te Ekaretia e bon nakon ana rinerine te aomata,” e taku Unimwaane Holland. “Ni kabane aomata n tatabemaniia a warekaki. Anne bukina ae ti ira nanon te reirei iaon te boutoka ae taabangaki. Ti tangiriia ni kabane bwa a na iai aia iango, ni kaota nanon teuane ke neiene, ao n nano teuana inanon wakira.”
Te Mwakuri ae E Karietaira Ni Kabane
Ngkana a butimwaea te wewete nakon te riki bwa ana abotoro te Atua, kaain te Kooram n Abotoro n te Tengaun ma Uoman “a kabaeaki” bwa a na ira nanon te Uea, e taku Unimwaane Dale G. Renlund. Ngkai ko rineia bwa ko na kamatoaia Abotoro n te Tengaun ma Uoman, kaain te aro a kaota aia onimaki irouia ni kabane Abotoro n aia berita bwa ana ongotaeka nakon te tia Kamaiu.
Aika Itiaki ni Boong aika Kaitira ake a anga aia kamatoa ni boutoka nakon temanna te Abotoro a bon karaoa naba aia boutoka nakoia ni kabane kaain te Kooram, e taku Unimwaane Quentin L. Cook.
Te kamatoa are e tabu anne e tabekiia ao ni kakabwaiaia Abotoro—ma e bon tabekarake naba te tia boutoka, e reitia Unimwaane Cook. “E angania te korakora ao ni kakakabwaiia ao e anganiia te kawakinaki.”
Aio are e nanonaki bwa membwa ake a rootaki n te urarake are i Santa Rosa a anga aia kamatoa ni boutoka nakon Unimwaane Rasband, membwa n tabo nako a kona n tabekakirake ngkana a tabekiia rake Abotoro n te Tengaun ma Uoman.