Samahan ng mga Nagbabasa ng Aklat ni Mormon
Sumali sa pamamagitan ng pagbabasa ng Aklat ni Mormon! Maaari kang magbasang mag-isa, kasama ang pamilya mo, o ang isang kaibigan. Pagkatapos ay ipadala sa amin ang larawan mo na nagbabasa ng Aklat ni Mormon at ikuwento sa amin ang anumang natutuhan mo o ang paborito mong kuwento sa Aklat ni Mormon. Ipadala ito sa liahona.lds.org (i-klik ang “Submit an Article”).
Ang talata para sa buwang ito: Mosias 2:17
“Kung kayo ay nasa paglilingkod ng inyong kapwa-tao, kayo ay nasa paglilingkod lamang ng inyong Diyos.”
Gustung-gusto ko ang Aklat ni Mormon dahil totoong aklat ito. Banal na kasulatan ito na nagmula sa Diyos, at naniniwala ako rito.
Joel S. (kanan), edad 8, Maharashtra, India
Gusto ko ang kuwento ng pangitain ni Lehi dahil pinapasaya ako nito. Itinuturo nito sa akin na gumawa ng mabubuting pasiya para makarating ako sa punungkahoy ng buhay. Ang punungkahoy ng buhay ay isang simbolo ng buhay sa piling ng Ama sa Langit, ni Jesucristo, at ng lahat ng taong mahal ko.
Sadie S., edad 9, Lusaka, Zambia
Natapos ko ang pambatang bersyon ng Aklat ni Mormon bago ako nabinyagan. Sa dulo ng aklat, hiniling ng nanay ko na ipagdasal ko ang tungkol sa Aklat ni Mormon. Nadama ko na habang nagbabasa ako na totoo ang mga salita.
Sean I., edad 7, Somerset, England
Ang mga bata sa Primary sa ward na ito sa Ile-de-France, France, ay hinamon na basahin ang Aklat ni Mormon araw-araw. Nakakuha sila ng sertipiko sa pagkakamit ng kanilang layunin!
Gustung-gusto namin ang Aklat ni Mormon dahil natututo kami tungkol sa ebanghelyo at lalo na kay Jesucristo. Lubos kaming nagpapasalamat sa Diyos para sa Aklat ni Mormon dahil nalalaman namin na si Jesucristo ang aming Tagapagligtas, at malaking tulong iyon sa buhay.
Allfie at Anna B., edad 6 at 8, Maharashtra, India
Aklat ni Mormon ang paborito kong aklat. Gustung-gusto ko ang halimbawa ni Nephi. Siya ang superhero ko sa Aklat ni Mormon. Napakamasunurin niya sa mga utos ng Diyos. Gusto kong maging katulad niya.
Jhetro F., edad 10, Iloilo, Philippines