I le Aoao o le Ekalesia

Ua Fono Taitai o le Ekalesia i Texas

Sa feiloai lata mai nei ia Elder M. Russell Ballard o le Korama a Aposetolo e Toasefululua ma Rev. Harvey Clemons Jr., o le faafeagaiga o le Ekalesia Papatiso i Pleasant Hill, ma isi taitai o ekalesia ma le lotoifale i Texas, ISA, e talanoaina le fausia o aiga ma alalafaga i le totonugalemu o le luitauina o le tamaoaiga ma tulaga faaagafesootai.

Sa atofaina lenei fonotaga i le mavae ai o le lagolagoina e faifeautalai o le Misiona a Houston Texas i Matu se galuega fesoasoani tele o se taunuuga o taumafaiga faafouina a Rev. Clemon i le eria. O le galuega faatino e aofia ai le fausia o se paka ma le faafouina o le tele o fale ua pala.

Sa talanoaina ai e Elder Ballard ma Rev. Clemons lo laua manao tuufaatasi e fausia ni sootaga i le va o le Ekalesia ma Pleasant Hill e siitia ai alalafaga e ala i le faamalolosia o aiga. Sa silafia ai e taitai e toalua e tele lava ni mea la te tutusa ai—ae maise lava o lo laua mananao e mulimuli i le Faaola e ala i le alolofa atu ma le auauna atu ia i latou e le tagolima.

Avea le Aoga Maualuga a le Ekalesia i Mekisiko ma NAF Fou

I le aso 29 o Ianuari, sa tuuina mai ai se faasilasilaga e faapea o le aoga maualuga a le Ekalesia o Benemérito de las Américas i le Aai o Mekisiko, Mekisiko, o le a liliuina i se nofoaga autu e aoao ai faifeautalai.

O Elder Russell M. Nelson ma Elder Jeffrey R. Holland, o i la’ua uma o le Korama a Aposetolo e Toasefululua, sa pulefaamalumalu ma saunoa uma ai i fonotaga i le lotoa o Benemérito i le aso 29 o Ianuari, lea sa fofogaina ai fuafuaga mo le NAF i le lumanai. O le suiga mai le aoga i le NAF ua fuafuaina e tupu pe a maea le tausaga aoga a Benemérito ia Iuni 2013. Mo le silia i le fasefulu tausaga, ua avea ai fale ma fanua o Benemérito de las Américas o se aoga nofotumau—o lea la o fale nofotumau ma isi fale e manaomia mo le NAF ua uma lava ona i ai.

O le NAF fou o le a aoaoina ai alii ma tamaitai faifeautalai ma ulugalii faamisiona o e o le a galulue e le gata i Mekisiko, ae faapea foi i isi atunuu o Amerika i Matu, Tutotonu, ma Saute. E oo lava foi i faifeautalai mai le Iunaite Setete o e ua valaauina i valaauga e tautatala faa-Sipaniolo i o latou lava atunuu e mafai ona aoaoina i le Aai o Mekisiko. O le NAF i Provo, Iuta, o le a faaauau pea lava foi ona tuuina atu aoaoga i le gagana faa-Sipaniolo mo le toatele o faifeautalai.

Ua Faamanuiaina le Aufaipese a le Tapeneko i le Puega o a Latou Musika ma le I Ai i Luga o le Initoneti

O le lomiga aupito lata mai o le iloiloga-i le-tausaga a le mekasini o le Billboard, o le lomiga o matata a kamupani pue pese, o loo faaalia ai siata o le faaiuga o le tausaga mo le 2012. I se tasi o na siata, na ta’ua ai le aufaipese, ma le Aufaili a le Lotoa o le Malumalu, o le Numera 1 i le Aufaafiafia i Fatuga Tuai Masani.

O le aotelega, o le aufaipese ma le aufaili ua lima tausaga o lisiina i le lisi i faaiuga-o tausaga ae faalua i se lisi o pese. E tulaga 3 ma lona 9 i Musika o Fatuga Tuai (i fatuga o le Glory! Music of Rejoicing ma le This Is the Christ); e lona 4 i le Traditional Classical Albums Imprint; lona 5 i le Traditional Classical Albums Label; ae lona 12 i le Classical Crossover Albums (mo le pese Glad Christmas Tidings o loo aofia ai David Archuleta).

E faaopoopo atu i lona manuia i musika e pueina, o le aso 17 o Ianuari sa sili ai le aufaipese i le aofai o tagata matamata e tasi le miliona sa maimoa i le alaata o le YouTube sa faalauiloaina i lalo ifo o le tolu masina ua tea, i le aso 30 o Oketopa, 2012. O le alaata sa i ai se aofaiga e tusa ma le 3.23 miliona minute sa maimoaina e tagata matamata i le faaiuga o le 2012. Ina ia maua le alaata, alu i le www.YouTube.com/user/MormonTabChoir.

Sa maualuga le tulaga o le Aufaipese a le Tapeneko ma le Au Faili a le Lotoa o le Malumalu i siata o le faaiuga o le tausaga mai le mekasini o le Billboard ma sa sili atu i le tolu miliona tagata maimoa i lana alaata i le YouTube i le faaiuga o le 2012.

© Puletaofia e le IRI