Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O nisi nei o faataitaiga.

“O Se Meaalofa mo Tinamatua,” itulau e 58: Mafaufau e faitau e uiga i le meaalofa a Kimberly i lona tinamatua. E mafai ona e faaaogaina fesili nei e fesoasoani e te talanoaina ai le tala: Aisea e te manatu ai na matuai taua ai lana tusi ia Tinamatua? O le a sou lagona pe a faafetai atu se tagata ia te oe mo se mea? E te manatu o le a se lagona o le Tama Faalelagi e uiga i le loto faafetai? E mafai ona e faitau e uiga i le loto faafetai i le Mo le Malosi o le Autalavou i le itulau e 18. Fuafua e faamatala atu le tala ia Iesu Keriso na faamaloloina lepela e toa 10 o loo i le Luka 17:11–19 ma talanoaina po o le a se mea o aoao mai i lenei tala e uiga i le loto faafetai. Mo se gaoioiga, e mafai e tagata taitasi o le aiga ona tusi se tusi faafetai e momoli atu i se tasi i lena vaiaso.

“O Se Faamanuiaga o le Papatisoga,” itulau e 66: E mafai ona amata le tou afiafi faaleaiga i le usuina o le pese “Lototele o Nifae” (Tusipese a Tamaiti, 64). Ona faitau lea o le tala ia Trevor na faatoilaloina lona fefe i le vai ma mafaufau i fesili nei: Pe sa i ai se taimi sa e fefe ai i le faia o se mea? O le a se mea sa fesoasoani e aveese ai lou fefe? Valaaulia tagata o le aiga e faasoa mai ni mea e tatau ona latou faia o loo latou popole i ai. Ia talanoaina o se aiga ni auala e mafai ona outou fesoasoani ai i le tasi ma le isi e atiina ae le lototele. Mo se gaoioiga, e mafai ona e faia se auala gaoa i totonu o le potu. Nonoa mata o se tagata o lou aiga. Fesoasoani ia te ia e faataitai le talitonuina e ala i le savali ma le saogalemu i le ala gaoa i le faalogo lea i faatonuga. E mafai ona e talanoaina le auala o le a taitai ai i tatou e le Agaga ma faamafanafana i tatou i tulaga ia tatou te lagona ai le fefe.

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.